कोंड करूळमध्ये समुद्री शेवाळ पालन कार्यक्रम

- rat१६p३.jpg-
P२५N७७८४१
रत्नागिरी ः कोंड करूळ येथे समुद्री शेवाळ पालन विषयी मच्छीमारांना मार्गदर्शन करण्यात मत्स्य विभागाचे अधिकारी.

कोंड करूळमध्ये समुद्री शेवाळवर मार्गदर्शन
रिलायन्स फाऊंडेशन ; जलजीविका संस्था, मत्स्यव्यवसायचे आयोजन
सकाळ वृत्तसेवा
रत्नागिरी, ता. १६ : समुद्री शैवाल शेतीमुळे स्थानिक मच्छीमारांना रोजगार मिळू शकतो आणि आर्थिक प्रगती साधता येईल, असे आवाहन जलजीविका प्रकल्पाचे व्यवस्थापक चिन्मय दामले यांनी केले.
रिलायन्स फाऊंडेशन, जलजीविका संस्था व सहाय्यक आयुक्त मत्स्यव्यवसाय यांच्या संयुक्त विद्यमाने कोंड करूळ (ता. गुहागर) येथे आयोजित समुद्री शेवाळ पालनाविषयी मच्छीमारांना मार्गदर्शन कार्यक्रमात ते बोलत होते. रिलायन्स फाऊंडेशनमार्फत देण्यात येणाऱ्या सागरी हवामानाची माहिती, संभाव्य मत्स्य साठा क्षेत्र इत्यादी माहिती देण्यात आली. जलजीविका संस्थेमार्फत मच्छीमार बंधूंसाठी समुद्री शेवाळाचे महत्व, समुद्री शेवाळ संवर्धनातून व्यवसायाच्या संधी, समुद्री शेवाळाचे व्यवस्थापन, राफ्ट बांधिनीचे प्रात्यक्षिक राज पवार व श्रुष्टी सुर्वे जलजीविका यांनी दाखवले. जलजीविकेचे प्रकल्प व्यवस्थापक चिन्मय दामले यांनी समुद्री शैवाल शेतीमुळे स्थानिक समुदायासाठी रोजगार निर्माण होऊन स्थानिक पातळीवर आर्थिक प्रगती साधता येते, असे मच्छीमार बंधूना मार्गदर्शन केले. गुहागर येथील परवाना अधिकारी स्वप्नील चव्हाण यांनी मच्छीमार बांधवाना समुद्री शेवाळाची माहिती घेऊन आपल्या क्षमतेनुसार प्रकल्प राबविण्याचा प्रयत्न करा असे आवाहन केले. तसेच विभागाच्या अन्य योजना व पावसाळी मासेमारीचे बंदीचे महत्व याबाबत माहिती दिली. तसेच जास्तीत-जास्त मासेमारांनी अपघात गट विमा व एनएफडीबी पोर्टलवरील नोंदणी सागर मित्रांच्या माध्यमातून करून घ्या असेही त्यांनी सांगितले.
रिलायन्स फाउंडेशनचे जिल्हा व्यवस्थापक राजेश कांबळे यांनी मच्छीमार बंधूना समुद्री शेवाळ जोड धंदा म्हणून कसा उपयुक्त आहे, याविषयी मार्गदर्शन केले. तसेच सगळी शेवाळ शेतीसाठी लागणारे सर्व तांत्रिक मार्गदर्शन जलजीविका व मत्स्यव्यवसाय विभागामार्फत देण्यात येतील याची सूचना दिली. या कार्य्रक्रमाला जलजिवीकेचे प्रकल्प व्यवस्थापक चिन्मय दामले, प्रकल्प समन्वयक राज पवार, सृष्टी सुर्वे, सागरी पर्यवेक्षक विनायक शिंदे, सागरमित्र, सुरक्षा रक्षक तसेच रिलायन्स फाऊंडेशनचे कार्यक्रम सहाय्यक गौरव जाधव व कोंड करूळ गावातील मच्छीमार उपास्थित होते.