माखजन इंग्लिश स्कूलमध्ये लाठीकाठी प्रशिक्षण

माखजन स्कूलमध्ये
लाठीकाठी प्रशिक्षण
संगमेश्वर, ता. १६ ः संगमेश्वर तालुक्यातील माखजन पंचक्रोशी शिक्षण प्रसारक मंडळाच्या माखजन इंग्लिश स्कूल माखजन येथे विद्यार्थ्यांसाठी लाठीकाठी प्रशिक्षण शिबिर घेण्यात आले. देवरूखचे हेमंत तांबे, मदन मोडक यांच्या विशेष सहकार्याने हा नवोपक्रम हाती घेण्यात आला असून विद्यार्थ्यांना स्वसंरक्षण व प्रतिकार करता यावा यासाठीचे हे प्रशिक्षण आहे. विशेषतः लाठीकाठी प्रशिक्षणापाठोपाठ तलवार चालवणे, रायफल चालवणे अशी टप्प्याटप्प्याने प्रशिक्षणे दिली गेले. या शिबिराच्या उद्‍घाटनावेळी संस्थाध्यक्ष किशोर साठे, उपाध्यक्ष शशिकांत घाणेकर, सचिव दीपक पोंक्षे, मदन मोडक, हेमंत तांबे, प्रशिक्षक धीरज कोरवी, विकास पाटील आदींसह मुख्याध्यापक, पर्यवेक्षक, शिक्षक, शिक्षकेतर कर्मचारी, विद्यार्थी उपस्थित होते.