साईराज सामंतचे शिष्यवृत्तीत यश

साईराज सामंतचे
शिष्यवृत्तीत यश
वेंगुर्ले ः पूर्व माध्यमिक शिष्यवृत्ती परीक्षेत वेतोरे येथील देवी सातेरी हायस्कूलचा विद्यार्थी साईराज सामंत याने ६२ टक्के गुण मिळवून वेंगुर्ले तालुक्यात पाचवा, तर जिल्ह्यात ३९ वा क्रमांक प्राप्त केला. मानसी वराडकर हिने ६० टक्के गुण मिळवून तालुक्यात सहावा व जिल्ह्यात ५२ वा, गुरुराज शेणवी (६० टक्के) तालुक्यात सातवा व जिल्ह्यात ५६ वा, चैतन्या गवळी (५६ टक्के) हिने तालुक्यात आणि जिल्ह्यात दुसरा क्रमांक मिळविला. या यशाबद्दल शिक्षण प्रसारक समिती, वेतोरेचे कार्याध्यक्ष दिगंबर नाईक, उपकार्याध्यक्ष सूर्याजी नाईक, कार्यवाह प्रभाकर नाईक, सर्व संचालक, मुख्याध्यापक संजय परब आदींनी अभिनंदन केले.
........................
सिंधुदुर्गनगरीत आज
शालेय साहित्य वाटप
सिंधुदुर्गनगरी ः कोकण कला व शिक्षण विकास संस्था, मुंबईतर्फे सिंधुदुर्गातील दिव्यांग विद्यार्थ्यांना उद्या (ता. १७) शालेय साहित्य वाटप करण्यात येणार आहे. भाजप दिव्यांग विकास आघाडीतर्फे आयोजन केले आहे. सकाळी १०.३० वाजता ओरोस-सिंधुदुर्गनगरी येथील भाजप जिल्हा कार्यालयाच्या वसंत स्मृती सभागृहात जिल्हाध्यक्ष प्रभाकर सावंत यांच्या प्रमुख उपस्थितीत जिल्ह्यातील दिव्यांग विद्यार्थ्यांना साहित्य वाटप होणार आहे. या कार्यक्रमास उपस्थित राहावे, असे आवाहन कोकण विकास संस्थेचे अध्यक्ष दयानंद कुबल, भाजप दिव्यांग विकास आघाडीचे संयोजक अनिल शिंगाडे यांनी केले आहे.
---
वेंगुर्लेत उद्या
रक्तदान शिबिर
वेंगुर्ले ः माजी शिक्षणमंत्री तथा आमदार दीपक केसरकर यांच्या वाढदिवसानिमित्त शिवसेना, वेंगुर्ले व युवासेना आणि महायुती पुरस्कृत, वैताळ प्रतिष्ठान सिंधुदुर्ग तुळस, बॅ. बाळासाहेब खर्डेकर महाविद्यालय, वेंगुर्ले आणि समर्पण फाउंडेशन सिंधुदुर्ग यांच्या संयुक्त विद्यमाने शुक्रवारी (ता. १८) सकाळी ९ वाजता बॅ. बाळासाहेब खर्डेकर महाविद्यालयात रक्तदान शिबिराचे आयोजन केले आहे. नावनोंदणीसाठी शिवसेना तालुकाप्रमुख नितीन मांजरेकर यांच्याशी संपर्क साधावा, असे आवाहन जिल्हा समन्वयक सचिन वालावलकर यांनी केले आहे.