रत्नागिरीः क्राइम

न्यायदंडाधिकाऱ्यांचा अवमान;
एकावर गुन्हा
रत्नागिरी ः मुख्य न्यायदंडाधिकारी-रत्नागिरी यांच्या कक्षामध्ये मद्यपान करून हातवारे व आरडाओरडा करणाऱ्या संशयितांविरुद्ध शहर पोलिस ठाण्यात गुन्हा दाखल करण्यात आला आहे. दशरथ हिंदूराव सुर्वे (वय ४२, रा. जावकर प्लाझा, सी वींग, जयस्तंभ, रत्नागिरी) असे संशयिताचे नाव आहे. ही घटना सोमवारी (ता. १४) दुपारी साडेतीनच्या सुमारास मुख्य न्यायदंडाधिकारी यांच्या चेंबरमध्ये घडली. पोलिसांकडून मिळालेल्या माहितीनुसार, मुख्य न्यायदंडाधिकारी पिंगळे यांच्या चेंबरमध्ये मॅरेज पीटिशन, मेडिटेशन सुरू असताना संशयित दशरथ सुर्वे याने मद्याच्या अंमलाखाली सार्वजनिक ठिकाणी हातवारे करून मोठमोठ्याने आरडाओरडा केली. या प्रकरणी पोलिस हेडकॉन्स्टेबल अभिजित पाटील यांनी शहर पोलिस ठाण्यात तक्रार दिली. तक्रारीवरून पोलिसांनी संशयितांविरुद्ध गुन्हा दाखल केला आहे. अधिक तपास शहर पोलिस अंमलदार करत आहेत.