मंडणगडमध्ये दिव्यांग व ज्येष्ठ नागरीक सुविधा केंद्रांचे उद्घाटन

-rat१६p३०.jpg-
२५N७७९७०
मंडणगड : सहाय्यता निधीच्या धनादेशांचे वाटप करताना नगराध्यक्षा अॅड. सोनल बेर्डे. शेजारी वैभव कोकाटे, अभिजित कुंभार.
----
मंडणगडमध्ये सुविधा केंद्रांचे उद्‍घाटन
दिव्यांग, ज्येष्ठ नागरिकांना दिलासा ; निधीचे वाटप
सकाळ वृत्तसेवा
मंडणगड, ता. १६ ः मंडणगड नगरपंचायतीच्या वतीने कार्यक्षेत्रातील दिव्यांग व ज्येष्ठ नागरीकांसाठी नगरपंचायत व्यापारी संकुलात दिव्यांग व ज्येष्ठ नागरिक सुविधा केंद्रांचे उद्‍घाटन करण्यात आले. या वेळी नगराध्यक्षा अॅड. सोनल बेर्डे, उपनगराध्यक्ष वैभव कोकाटे, विरोधीपक्ष गटनेता विनोद जाधव, नगरसवेक योगेश जाधव, आदेश मर्चंडे, मुकेश तलार, नगरसेविका वैशाली रेगे, सेजल गोवळे, मुख्याधिकारी अभिजित कुंभार आदी उपस्थित होते.
यानिमित्त नगरपंचायत कार्यक्षेत्रातील दिव्यांग नागरिकांना पाच टक्के निधीतून देण्यात आलेल्या दिव्यांग सहाय्यता निधीचे धनादेशांचे वाटप करण्यात आले. या केंद्रांच्या माध्यमातून दिव्यांग व ज्येष्ठ नागरिकांची नगरपंचायतीशी संबंधित सर्व कामे पूर्ण केली जाणार आहेत. या केंद्रांत नगरपंचायत नागरिकांना देत असलेल्या सर्व सेवा व दाखले उपलब्ध करून देणार आहे. याकरिता नगरपंचायतीचा एक कर्मचारी सर्व दिवस सकाळी १० ते २ या वेळेत हजर राहणार असल्याची माहिती मुख्याधिकारी अभिजित कुंभार यांनी दिली.