सराफ हायस्कूलमध्ये विद्यार्थ्यांना सीपीआर प्रशिक्षण

सराफ हायस्कूलमध्ये
सीपीआर प्रशिक्षण
चिपळूण, ता. १६ ः लोटे येथील कविता विनोद सराफ हायस्कूलमधील ४५० विद्यार्थ्यांना अत्यंत आवश्यक असलेले सीपीआर प्रशिक्षण देण्यात आले. दैनंदिन जीवनात हृदय व शारीरिक थकव्यामुळे होणारे कार्डियाक व अन्य कोणत्याही प्राणघातक संकटातून वाचण्यासाठीची माहिती देण्यात आली. लोटे प्राथमिक आरोग्य केंद्रातर्फे हे प्रशिक्षण देण्यात आले.
लोटे प्राथमिक आरोग्य केंद्रातील डॉ. दमयंती कदम व आरोग्य साहाय्यक पड्याळ यांनी जलजन्य व किटकजन्य आजारांबाबत प्रतिबंधात्मक उपाययोजनांची माहिती दिली. त्यांनी तत्काळ प्राथमिक उपचार दिल्याने जीव कसा वाचविता येतो, हे सीपीआर प्रशिक्षणातून दाखवले. यावेळी मुख्याध्यापक विजय बसवंत, ज्येष्ठ शिक्षक श्री. भोकरे, श्री. देवरूखकर, लक्ष्मण लोखंडे, प्रेरणा चव्हाण व शर्वरी ठसाळे, शिक्षक, कर्मचारी व विद्यार्थी उपस्थित होते.