कुसूमताई पतसंस्थेत दहा दिवसात दिड कोटीच्या ठेवी

कुसुमताई पतसंस्थेत दहा दिवसात दीड कोटीच्या ठेवी
ठेव वृद्धीमास ; सभासदांसह नवीन ग्राहकांनी गुंतवणुकीला प्राधान्य
रत्नागिरी, ता. १६ ः शहरातील प्रतितयश कुसूमताई सहकारी पतसंस्थेचा ठेव वृद्धीमास १ जुलैपासून सुरू झाला असून १० दिवसांमध्ये दीड कोटीच्या ठेवी जमा झाल्या आहेत. ग्राहकांकडून उत्स्फूर्त प्रतिसाद मिळत असून ठेवींसाठीची मुदत १ ऑगस्टपर्यंत सुरू राहणार आहे.
पतसंस्थेच्या सर्व ठेवीदारांसाठी सर्वाधिक ९ टक्के व्याजदर असून सहा महिन्यासाठी ६ टक्के व्याजदर, ३ वर्ष मासिक गुंतवणुकीवर (त्रैमासिक व्याज/वार्षिक व्याज) व्याजदर ८ टक्के, तसेच ३ वर्ष पुनर्गुतवणुकीवर ७.७५ टक्के व्याज ठेवीदारांसाठी ठेवण्यात आले आहे. याचा लाभ घेऊन सभासदांसह नवीन ग्राहकांनी मोठ्याप्रमाणावर गुंतवणूक करावी, असे आवाहन अध्यक्ष प्रा. दत्तात्रय उर्फ नाना शिंदे आणि उपाध्यक्ष सतीश शेवडे यांनी केले आहे.
कुसुमताई पतसंस्थेने ग्राहकांसाठी चांगल्या सुविधा देण्यात येत आहेत. या ठेववृद्धी मासात यावर्ष अखेरीस ५० कोटीचा टप्पा पार करण्याचे उद्दिष्ट संचालक मंडळाने निश्चित केले आहे. पतसंस्थेचे भागभांडवल ६९ लाख २० हजार असून ठेवी ४१ कोटी ६७ लाख, कर्ज ३३ कोटी ९८ लाख तर नफा ५० लाख ४५ हजार रूपये, सीडी रेशो ७२.२९ टक्के तर वसुली ९७ टक्के आहे. यंदा जाहीर केलेल्या योजनेला ग्राहकांचा चांगला प्रतिसाद मिळत असून दहा दिवसात दीड कोटीच्या ठेवी जमा झाल्या आहेत. सध्या सोनेतारण कर्जाबरोबर जामिनतारण कर्जाला मागणी वाढत आहे. वीजबिल भरणा केंद्र सर्व शाखांमध्ये सुरू असून त्याचाही फायदा ग्राहकांना व नागरिकांना मिळत आहे. आपल्या ठेवी पतसंस्थेमध्ये गुंतवून आकर्षक व्याजदराचा लाभ घ्यावा असे आवाहन संस्थेचे उपाध्यक्ष शेवडे यांनी केले आहे.