एआय तंत्रज्ञानावर मराठीतील ५ पुस्तके
‘एआय’तंत्रज्ञानावर अधारित
काबदुले यांची पाच पुस्तके
सकाळ वृत्तसेवा
साडवली, ता. १७ : एआय या तंत्रज्ञानाची माहिती मराठीतून मिळावी, यासाठी देवरूख येथील प्रशांत काबदुले यांनी पाच पुस्तकांची निर्मिती केली असून, एक ऑडिओ बनवला आहे. हे कोकणातील पहिले पुस्तक आहे. याचे अनावरण रोहन बने, सदानंद भागवत, विठ्ठल पाटील, डॉ. चंद्रशेखर केदारी, प्रशांत काबदुले, युयुत्सू आर्ते यांच्या प्रमुख उपस्थितीत करण्यात आले आहे.
एआय आर्टिफिशियल इंटेलिजन्स ओळख आणि भविष्य, सध्या उपलब्ध असलेली टूल्स, एआयवर आधारित असलेल्या नोकऱ्या, स्वयंरोजगार व व्यवसायाच्या संधी, एआयआधारित शेतीचे भविष्य अशी या पुस्तकांची नावे आहेत. पुस्तक प्रकाशनावेळी प्रशांत काबदुले यांनी एआय तंत्रज्ञानाविषयी माहिती दिली. या पुस्तकांमुळे मुलांना, विद्यार्थ्यांना भविष्यात फायदा होईल, असे रोहन बने यांनी सांगितले. या तंत्रज्ञानामुळे देवरूखमधून चांगले इंजिनियर, उद्योजक, शेतकरी घडतील, अशी आशा व्यक्त केली. सदानंद भागवत यांनी देवरूख शिक्षण प्रसारक मंडळामार्फत ही पुस्तके कमी शुल्क आकारून विद्यार्थ्यांपर्यंत पोहचवू तसेच सृजन सायन्स सेंटर येथे कार्यशाळा घेऊ, असेही आश्वासन दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.