-लोटेतील ४ कंपन्यांमधील ४५० पदांसाठी मुलाखती

लोटेतील चार कंपन्यांमधील मुलाखती
एमआयडीसीत २२ला मेळावा ; स्थानिकांना संधी
सकाळ वृत्तसेवा
रत्नागिरी, ता. १७ ः लोटे एमआयडीसीमधील चार कंपन्यांनी विविध पदांसाठी ४५० मनुष्यबळासाठी भरतीप्रक्रिया राबवली आहे. या निमित्ताने रत्नागिरी जिल्ह्यातील तरुणांना रोजगार संधी निर्माण झालेली आहे. या पदांसाठी २२ रोजी रोजगार मेळाव्याचे आयोजन करण्यात आले आहे.
कौशल्य विकास, रोजगार, उद्योजकता व नावीन्यता विभागाच्या मार्गदर्शनाखाली जिल्ह्यातील उमेदवारांसाठी २२ रोजी सकाळी १० ते दुपारी ३ वाजेपर्यंत खेड तालुक्यातील लोटे परशुराम इंडस्ट्रिअल असोसिएशनच्या प्लॉट नं. ४० मध्ये रोजगार मेळाव्याचे आयोजन करण्यात आले आहे. या मेळाव्यात प्रामुख्याने कॉरटेव्हा क्रॉप इंडिया, एमईएसएम परशुराम हॉस्पिटल अँड रिसर्च सेंटर, एक्सल इंडस्ट्रीज आणि घरडा केमिकल या कंपन्यांमधील आस्थापनांवर नियुक्त्या दिल्या जाणार आहेत. या कंपन्यांनी विविध पदांसाठी ४५० मनुष्यबळाची मागणी नोंदवली आहे. जिल्ह्यातील सर्व उमेदवारांनी या रोजगार संधीचा लाभ घ्यावा, असे आवाहन साहाय्यक आयुक्त इनुजा शेख यांनी केले आहे.