सावंतवाडी-दिवा एक्स्प्रेसला ३ वातानुकूलित डबे

सावंतवाडी-दिवा एक्स्प्रेसला
तीन वातानुकूलित डबे
सकाळ वृत्तसेवा
खेड, ता. १७ ः कोकण मार्गावरून नियमितपणे धावणाऱ्या सावंतवाडी-दिवा एक्स्प्रेसला प्रवाशांचा प्रतिसाद मिळत असल्यामुळे या एक्सप्रेसला कायमस्वरूपी तीन वातानुकूलित डबे जोडण्याचा निर्णय रेल्वे प्रशासनाने घेतला आहे. या अतिरिक्त डब्यांमुळे आसन उपलब्धता वाढून प्रवाशांचा प्रवास आरामदायी होणार आहे.
सावंतवाडी-दिवा एक्स्प्रेस १५ जुलैपासून अतिरिक्त डब्यांची धावणार असल्याचे रेल्वे प्रशासनाने स्पष्ट केले आहे. या एक्सप्रेसला सध्या दोन वातानुकूलित डबे जोडण्यात आले होते. या डब्यांच्या संरचनेत बदल करत आणखी एक वातानुकूलित डबा जोडण्यात येणार आहे. त्यामुळे एक्स्प्रेस १६ ऐवजी १७ डब्यांची धावेल. १५ जुलैपासून हा बदल अंमलात येणार आहे. कायमस्वरूपी ३ वातानुकूलित डबे जोडण्यात येणार असल्याने प्रवाशांना दिलासा मिळाला आहे.