खारेपाटण रोटरी क्लबतर्फे विद्यार्थ्यांना छत्री वाटप

swt176.jpg
78101
खारेपाटण ः छत्री बँक उद्घाटन प्रसंगी प्रा. संजय सानप, प्रवीण लोकरे, दयानंद कोकाटे, प्रमिला भारती आदी. (छायाचित्र ः एन. पावसकर)

खारेपाटण रोटरी क्लबतर्फे
विद्यार्थ्यांना छत्री वाटप
सकाळ वृत्तसेवा
तळेरे, ता. १७ : शेठ नवीनचंद्र मफतलाल विद्यालय खारेपाटण आणि ज्युनिअर कॉलेज खारेपाटणचे प्राचार्य तसेच रोटरी क्लब ऑफ खारेपाटणचे सदस्य संजय सानप यांच्या संकल्पनेतून खारेपाटण हायस्कूल येथे गरजू विद्यार्थ्यांना मोफत छत्री वाटप करण्यात आले. यावेळी छत्री बँकेचे उद्घाटन खारेपाटण पंचक्रोशी शिक्षण प्रसारक मंडळाचे अध्यक्ष प्रवीण लोकरे यांच्या प्रमुख उपस्थितीत करण्यात आले. खारेपाटणमध्ये नव्याने स्थापन झालेल्या रोटरी क्लब ऑफ खारेपाटण या संस्थेमार्फत पंचक्रोशीमध्ये विविध समाजोपयोगी उपक्रम राबविले जात आहेत. याचाच एक भाग म्हणून सानप यांच्या वाढदिवसानिमित्त पंचक्रोशीतील गरजू विद्यार्थ्यांना मोफत छत्री वाटप कार्यक्रमाचे आयोजन करण्यात आले. रोटरी क्लबच्या या अनोख्या उपक्रमाचे सर्व स्तरावरून कौतुक होत आहे. यावेळी खारेपाटण रोटरी क्लबचे अध्यक्ष दयानंद कोकाटे, खारेपाटण पंचक्रोशी शिक्षण प्रसारक मंडळाचे उपाध्यक्ष भाऊ राणे, सचिव महेश कोळसुलकर तसेच संस्थेचे सर्व विश्वस्त, शाळेचे पर्यवेक्षक संतोष राऊत, माजी विद्यार्थिनी प्रमिला भारती आदी मान्यवर उपस्थित होते. यावेळी प्रा. सानप यांना वाढदिवसाच्या निमित्ताने शाळेच्या वतीने शुभेच्छा देण्यात आल्या. रोटरीच्या छत्री बँक उपक्रमाबाबत आभार व्यक्त करण्यात आले.