दहागाव हायस्कूलमध्ये गुणवंत विद्यार्थ्यांना प्रोत्साहन
-Rat१७p१०.jpg
२५N७८१३५
दहागाव : एलबीएसएच माजी विद्यार्थी मंचातर्फे आयोजित गुणगौरव सोहळ्यात विद्यार्थ्यांना सन्मानित करताना मान्यवर.
-------
दहागाव हायस्कूलमध्ये गुणवंतांना प्रोत्साहन
एलबीएसएच माजी विद्यार्थी मंच; श्रेयस जाधवला पुरस्कार
सकाळ वृत्तसेवा
मंडणगड, ता.१७ ः तालुक्यातील दहागाव येथील लालबहादूर शास्त्री हायस्कूलच्या एलबीएसएच माजी विद्यार्थी मंचाच्यावतीने दहावी गुणवंत विद्यार्थी सन्मान व स्व. तानाजी अभंग आदर्श विद्यार्थी सन्मान कार्यक्रम दहागाव येथे झाला. श्रेयस जाधव हा पहिला स्व. तानाजी अभंग आदर्श विद्यार्थी पुरस्काराचा मानकरी ठरला.
कार्यक्रमाला उत्तमकुमार जैन, ॲड. विनोद दळवी, ॲड. अभिजित गांधी उपस्थित होते. मान्यवरांच्या हस्ते शालांत परीक्षेत प्रथम आलेली वंशिका कांबळे, द्वितीय सानिया चव्हाण, तृतीय ईश्वरी तांबुटकर या गुणवंत विद्यार्थिनींचा पुष्पगुच्छ, सन्मानचिन्ह, रोख रक्कम देऊन गौरव करण्यात आला. स्व. तानाजी अभंग आदर्श विद्यार्थी सन्मान या प्रथम पुरस्कारासाठी शालांत परीक्षेत उत्तीर्ण झालेला, मंचाने दिलेले निकष पूर्ण करून निवड प्रक्रियेत पात्र ठरलेला श्रेयस जाधवला शाल, श्रीफळ, पुष्पगुच्छ, सन्मानचिन्ह आणि रोख पाच हजार रुपये देऊन सन्मानित करण्यात आले. शैक्षणिक वर्ष २०२४-२५ शालांत परीक्षेत महाराष्ट्र राज्यातून तिसरा क्रमांक मिळवून उत्तुंग यश मिळवलेला कौस्तुभ मोरे याचा मंचातर्फे यथोचित सन्मानित करण्यात आला. या वेळी मंडणगड तालुका विकास मंडळ मुंबई या संस्थेचे सरचिटणीस ॲड. विनोद दळवी यांनी माजी विद्यार्थीमंचास शुभेच्छा दिल्या. उत्तमकुमार जैन यांनी एलबीएसएच मंचाच्यावतीने राबवण्यात येत असलेल्या नियोजनबद्ध अशा स्तुत्य उपक्रमाचे कौतुक करून मंचाच्या उपक्रमाचा भाग व्हायला मला नक्की आवडेल, असे मत व्यक्त केले. मंचाचे अध्यक्ष दीपक गोरिवले यांनी सर्व गुरुजनांचे आशीर्वाद आणि कौतुकामुळे आमचे मनोबल नक्कीच वाढलेले असल्याचे सांगत मंचातर्फे मान्यवरांना धन्यवाद दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.