चिपळुणात दोन आकर्षक कारंज्यांची उभारणी

-ratchl१७२.jpg-
२५N७८१६८
चिपळूण ः शहरात रोटरी क्लबने उभारलेले कांरजे.
-----
चिपळुणात कारंज्यांची उभारणी
सकाळ वृत्तसेवा
चिपळूण, ता. १७ ः येथील रोटरी क्लबने सामाजिक बांधिलकीतून आणि सौंदर्यदृष्टी जपत चिपळूण शहरासाठी दोन कारंज्यांची उभारणी करून शहराच्या सौंदर्यात भर घातली आहे. हे दोन्ही कारंजे सार्वजनिक ठिकाणी उभारले आहेत.
रोटरी क्लबचे अध्यक्ष अविनाश पालशेतकर यांच्या नेतृत्वाखाली, क्लबच्या सदस्यांनी आर्थिक व तांत्रिक सहकार्य देत या प्रकल्पाचे यशस्वी नियोजन व अंमलबजावणी केली. या उपक्रमासाठी मुख्याधिकारी विशाल भोसले यांचे विशेष सहकार्य लाभले. उद्‍घाटनप्रसंगी डॉ. लेनी डिकोस्टा, अजय मेनन, अभिजित वालके उपस्थित होते. प्रकल्पाचे आयोजन प्रोजेक्ट चेअरमन वैभव रेडीज व प्रसाद सागवेकर यांनी समर्थपणे पार पाडले. चिंचनाका येथे उभारण्यात आलेल्या आय लव्ह चिपळूण या सौंदर्यस्थळी हे एक कारंजे अपरांत डेव्हलपर्स आणि साऊंड ऑफ म्युझिकच मालक शैलेश टाकळे यांच्या सहकार्याने उभारले गेले. या वेळी श्रीराम खरे, विवेक रेळेकर, शैलेंद्र सावंत, मंगेश माटे, प्रशांत देवळेकर, दिनकर पवार, नितीन देवळेकर आदी उपस्थित होते.