-चिपळूण पालिकेला मिळाली शववाहिका

-ratchl१७४.jpg
२५N७८१८३
ःचिपळूण ः शववाहिकेच्या उद्‍घाटनप्रसंगी मुख्याधिकारी विशाल भोसले व अधिकारी.
-----------
चिपळूण पालिकेला मिळाली शववाहिका
सकाळ वृत्तसेवा
चिपळूण, ता. १७ : येथील नगर पालिकेला वाहन ताफ्यात नवीन अत्याधुनिक शववाहिकेचे आगमन झाले आहे. शासनाकडून मंगळवारी ही शववाहिका चिपळुणात दाखल झाली. मुख्याधिकारी विशाल भोसले यांनी श्रीफळ वाढवत या वाहनाचे उद्‍घाटन केले. विशेष म्हणजे त्यांनी स्वत: या शववाहिकेचे स्टिअरिंग हाती घेत वाहनांतील सुविधा जाणून घेतल्या.
उपसंचालक, आरोग्यसेवा, परिवहन, पुणे या कार्यालयाकडून जिल्हास्तरावर एक व तालुकास्तरावर दोन अशा एकूण तीन शववाहिका जिल्हा परिषद आरोग्य विभागाकडे उपलब्ध झाल्या आहेत. जिल्हाधिकारी यांच्या मंजुरीने त्यातील एक शववाहिका चिपळूण नगरपालिकेकडे सुपूर्द करण्यात आली आहे. शहरासह तालुक्याला या शववाहिकेचा चांगला फायदा होणार आहे. या शववाहिकेचे उदघाटन मुख्याधिकारी विशाल भोसले यांच्या हस्ते झाले. या शववाहिकेचे इंधन, देखभाल व दुरुस्ती, विमा, पीयूसी इ. व अन्य खर्च चिपळूण पालिकेला करावा लागणार आहे. त्यामुळे नागरिकांच्या मागणीनुसार ही शववाहिका देताना किती भाडे आकारले जाईल, याबाबतची कार्यवाही नगरपालिका प्रशासनाकडून सुरू आहे.