भाट्ये समुद्रकिनारी महिला बेशुद्धावस्थेत

बेशुद्धावस्थेतील महिला
भाटेकिनारी अढळली
रत्नागिरी, ता. १७ : शहरानजीकच्या भाट्ये समुद्रकिनारी अज्ञात महिला बेशुद्धावस्थेत आढळली. तिला उपचारांसाठी जिल्हा शासकीय रुग्णालयातील अतिदक्षता विभागात दाखल करण्यात आले आहे. १६ जुलैला दुपारी दीडच्या सुमारास हे निदर्शनास आले. हा नेमका काय प्रकार आहे, हे अजून स्पष्ट झालेले नाही.
भाट्ये गावचे स्थानिक नागरिक तहा काद्री आणि सरपंच पराग भाटकर यांना भाट्ये समुद्रकिनारी एक महिला अंदाजे वय (५५) ही समुद्राच्या पाण्यात बेशुद्धावस्थेत पडलेली दिसून आली. त्यांनी तातडीने तिला जिल्हा शासकीय रुग्णालयात दाखल केले. तिला उपचारांसाठी अतिदक्षता विभागात दाखल करण्यात आले असून, याबाबत शहर पोलिस ठाण्याच्या पोलिसचौकीत नोंद करण्यात आली आहे. पोलिस तिचे नाव-गाव आणि नातेवाइकांचा शोध घेत आहेत. दरम्यान, सकाळपासून ही महिला भाट्ये समुद्रकिनारी फिरत होती. दुपारी बारा वाजेपर्यंत तिथे बसत होती आणि अचानक ती समुद्रात जायला लागली. समुद्रात जात असताना ती बुडाल्याचे स्थानिकांचे म्हणणे आहे. ती बुडत असताना लाटेने तिला समुद्रकिनाऱ्यावर फेकले आणि स्थानिकांनी पोलिसांना फोन करून त्या महिलेला उपचारासाठी जिल्हा रुग्णालयात दाखल केले.