आपत्कालीन उपायांबाबत आरोस शाळेत मार्गदर्शन

swt1725.jpg
78193
आरोस ः येथे विद्यार्थ्यांना माहिती देताना आरोग्य पथक.

आपत्कालीन उपायांबाबत आरोस शाळेत मार्गदर्शन
बांदा ः राष्ट्रीय सी.पी.आर. दिवसाचे औचित्य साधून आरोस-गिरोबा येथील केंद्रशाळेत आरोस उपकेंद्राचे वैद्यकीय अधिकारी डॉ. उमेश डेगवेकर यांच्या मार्गदर्शनाखाली विद्यार्थ्यांना आपत्कालीन परिस्थितीत करण्याच्या उपाययोजनांबाबत प्रात्यक्षिकासह माहिती देण्यात आली. आपत्कालीन उपाय योजनांबाबत डॉ. डेगवेकर यांनी मार्गदर्शन केले. यावेळी विद्यार्थ्यांनी मनातील प्रश्न विचारले. यावर डॉक्टरांनी सकारात्मक प्रतिसाद देत त्यांच्या शंकांचे निर सन केले. या कार्यक्रमात शाळेचे शिक्षक उमेश मुरकुटे, फिरोज शहा, रोहिणी चारोस्कर यांनी उपस्थितांचे स्वागत केले. आशा स्वयंसेविका संजना कोरगावकर उपस्थित होत्या. कार्यक्रमाची प्रस्तावना करत उमेश मुरकुटे यांनी आभार मानले.
.................
swt1726.jpg

शेर्ले ः व्ही. एन. नाबर मेमोरियल इंग्लिश मीडियम स्कूलच्या विद्यार्थ्यांनी भात लावणीचा अनुभव घेतला.

नाबर प्रशालेत विद्यार्थ्यांना शेतीचे धडे
बांदाः येथील व्ही. एन. नाबर मेमोरियल इंग्लिश मीडियम स्कूलमधील आठवीतील विद्यार्थ्यांनी शेर्ले येथील लवू धुरी यांच्या शेतात जाऊन प्रत्यक्ष भात (तरवा) लावणीचा अनुभव घेतला. पुस्तकी ज्ञानाबरोबरच नाबर स्कूलमधील विद्यार्थ्यांनी पर्यावरण या विषयांतर्गत शेर्ले येथील धुरी यांच्या शेतात भात लावणी केली. या विद्यार्थ्यांना लवू धुरी, उन्नती धुरी यांनी शेती व्यवसायाविषयी माहिती देत मार्गदर्शन केले. यावेळी शाळेच्या मुख्याध्यापिका मनाली देसाई यांनी सुद्धा प्रत्यक्ष अनुभव घेत विद्यार्थ्यांना मार्गदर्शन केले. त्याचप्रमाणे शाळेचे क्रीडाशिक्षक प्रशांत देसाई, सहाय्यक शिक्षिका स्नेहा नाईक यांनी विद्यार्थ्यांना सहकार्य करत स्वतः लावणी करण्याचा अनुभव घेतला.
.....................