-सर्पदंशाने कुडावळेतील शेतकऱ्याचा मृत्यू

सर्पदंशाने शेतकऱ्याचा मृत्यू
दापोली, ता. १७ ः दापोली तालुक्यातील कुडावळे गावात शेतात काम करताना सर्पदंश झाल्याने दीपक लक्ष्मण पवार (वय ३४) या शेतकऱ्याचा मृत्यू झाला.
दीपक पवार १० जुलैला सकाळी शेतमजुरीसाठी गेले होते. शेतात काम करत असताना सापाने त्यांना दंश केला. सहकाऱ्यांनी तत्काळ त्यांना दापोली येथील प्राथमिक आरोग्यकेंद्रात उपचारासाठी दाखल केले; मात्र, प्राथमिक उपचारानंतरही त्यांच्या प्रकृतीत सुधारणा न झाल्याने त्यांना अधिक उपचारासाठी डेरवण येथील वालावलकर रुग्णालयात हलवण्यात आले. ११ जुलैला सकाळी उपचारादरम्यान त्यांचा मृत्यू झाला. त्यांच्या पश्चात पत्नी, पाच लहान मुले, वृद्ध आई असा परिवार आहे. या प्रकरणी दापोली पोलिस ठाण्यात आकस्मिक मृत्यूची नोंद करण्यात आली आहे.