देवगड हायस्कूलला १०० खुर्च्या प्रदान

78242

देवगड हायस्कूलला
गस्ती यांच्यातर्फे
१०० खुर्च्या प्रदान
देवगड : निवृत्त मुख्याध्यापक सुनील घस्ती यांनी येथील शेठ म. ग. हायस्कूलला आपले सासरे भास्कर धर्मा हलसवडेकर यांच्या स्मरणार्थ १०० प्लास्टिक खुर्च्या भेट दिल्या. संस्थेचे स्थानीय समिती सचिव ॲड. अविनाश माणगावकर यांच्या उपस्थितीत खुर्च्या शाळेकडे सुपूर्द केल्या. श्री. घस्ती ३० जूनला वाडा येथील अ. कृ. केळकर हायस्कूलच्या मुख्याध्यापक पदावरून सेवानिवृत्त झाले. याच संस्थेच्या येथील शेठ म. ग. हायस्कूलमध्ये त्यांनी पर्यवेक्षक म्हणूनही काम केले होते. त्यांनी आपल्या सेवेतील सुमारे १८ वर्षे सेवा शेठ म. ग. हायस्कूलमध्ये केली होती. त्यापैकी १६ वर्षे सहाय्यक शिक्षक आणि दोन वर्षे पर्यवेक्षक म्हणून त्यांनी सेवा बजावली होती. संस्थेप्रती कृतज्ञता व्यक्त करण्याच्या हेतूने गुरुपौर्णिमेचे औचित्य साधून त्यांनी येथील हायस्कूलला खुर्च्या दिल्या. त्यांच्या या देणगीबद्दल संस्था आणि शाळेने आभार मानले.