श्री देव कोळंबाचा मुंबईत २० ला जत्रोत्सव

78279

श्री देव कोळंबाची
मुंबईत उद्या जत्रा
नांदगाव ः नांदगाव विकास मंडळ, मुंबईतर्फे सालाबादप्रमाणे मुंबई येथील श्री देव कोळंबा जत्रौत्सव रविवारी (ता.२०) कोळी समाज हॉल, शिवडी पूर्व रेल्वे स्टेशन जवळ आयोजित केला आहे. यानिमित्त विविध धार्मिक, सामाजिक, शैक्षणिक कार्यक्रम आयोजित केले आहेत. सकाळी ८.३० वाजता श्री देव कोळंबा स्थापना व पूजा, ९ वाजता राखण व नवस फेड, ११ वाजता नवीन नवस बोलणे, दुपारी १२ वाजता वार्षिक सर्वसाधारण सभा, १ ते ३ नवनिर्वाचित खासदार, आमदारांचे सत्कार, दुपारी ४ वाजता दहावी-बारावी विद्यार्थी गुणगौरव सोहळा, सायंकाळी ४ वाजता विशेष सन्मान व हळदीकुंकू समारंभ, ५.३० नतंर सामुहिक गाऱ्हाणे व महाप्रसाद वाटप होणार आहे. यावेळी अध्यक्ष गजानन रेवडेकरांसह प्रमुख पाहुणे म्हणून माहिती आणि तंत्रज्ञान आणि सांस्कृतिक कार्यमंत्री ॲड. आशिष शेलार, श्री. सिद्धिविनायक मंदिर न्यास प्रभादेवी अध्यक्ष सदा सरवणकर, नवनिर्वाचीत आमदार अजय चौधरी, मनोज जामसुतकर, बाळा नर, तुकाराम काते, सुनील शिंदे, सचिनभाऊ अहिर यांच्यासह मान्यवर व भाविक उपस्थित राहणार आहेत. भाविकांनी जत्रोत्सवास उपस्थित राहावे, असे आवाहन अध्यक्ष गजानन रेवडेकर, सरचिटणीस राजेंद्र मोरये, खजिनदार रविंद्र रेवडेकर, जत्रा प्रमुख रविंद्र म्हसकर यांनी केले आहे.