दापोली-किन्हळेत सुधारित ओळीतील लावणीचे प्रात्यक्षिक

rat18p16.jpg-
78351
दापोली ः शेतकऱ्यांसमवेत सुधारित ओळीतील लावणी करताना कृषी महाविद्यालय व कृषी खात्याचे अधिकारी.
----------------
किन्हळेत सुधारित ओळीतील
भात लावणीचे प्रात्यक्षिक
दापोली, ता. १८ ः कृषी महाविद्यालयाच्या विस्तार शिक्षण विभागामार्फत तालुक्यातील दत्तक गाव असलेल्या किन्हळ येथे शेतकऱ्यांना भातबियाण्यांचे वाटप करण्यात आले होते. या बियाण्यांची रोपे आता लागवडीसाठी तयार झाल्याने शेतकऱ्यांना सुधारित ओळीतील लावणी पद्धतीची माहिती देण्यासाठी प्रात्यक्षिकाचे आयोजन करण्यात आले. हे प्रात्यक्षिक किन्हळ येथील शेतकरी कृष्णा येसवारे यांच्या शेतात झाले.
या प्रात्यक्षिकाच्या उद्घाटनप्रसंगी गावचे पाटील लक्ष्मण पवार, कृषी महाविद्यालयाच्या विस्तार शिक्षण विभागातील कनिष्ठ संशोधन सहाय्यक शिल्पा नाईक, श्रीयष पवार, अरविंद पोसकर, कृषी विभागाचे सहाय्यक कृषी अधिकारी सूर्यकांत काष्टे, कृषी अधिकारी दर्शना वरवडेकर, वैदेही गुहागरकर उपस्थित होते. सुधारित ओळीतील लावणी ही पारंपरिक पद्धतीच्या तुलनेत अधिक फायदेशीर असल्याचे शिल्पा नाईक यांनी या वेळी सांगितले. कार्यक्रमास शेतकरी कृष्णा येसवारे, संदेश येसवारे, अंकुश येसवारे, सुवर्णा येसवारे, शैलेश मोहिते, चंद्रकला मोहिते, रूक्मिणी रेवाळे, लक्ष्मण रेवाळे आदींसह अनेक शेतकरी उपस्थित होते.