78493
सावंतवाडी शहरातील ‘तो’
धोकादायक खड्डा बुजविला
‘सामाजिक बांधिलकी’चा पुढाकार
सकाळ वृत्तसेवा
सावंतवाडी, ता. १९ ः शहरातील नारायण मंदिरासमोर मुख्य रस्त्यावर पडलेला खड्डा नागरिकांच्या रोषानंतर बुजविला होता. मात्र, चार दिवसांत हा खड्डा ‘जैसे थे’ झाला. अखेर अपघातांना आमंत्रण देणारा हा खड्डा सामाजिक बांधिलकी प्रतिष्ठानच्या कार्यकर्त्यांनी बुजविला.
संस्थेचे अध्यक्ष प्रा. सतीश बागवे यांच्या मार्गदर्शनाखाली गेली सात वर्षे सामाजिक बांधिलकी प्रतिष्ठानचे कार्यकर्ते येथील नागरिकांच्या सेवेसाठी सतर्क आहेत. श्रीराम वाचन मंदिर समोर मोती तलावाकाठी रस्त्याच्या मध्यभागी भला मोठा खड्डा पडला होता. यामुळे अपघात होण्याची शक्यता होती. याची दखल घेऊन प्रतिष्ठानच्या कार्यकर्त्यांनी रहदारी व पाऊस कमी झाल्यानंतर रात्री दोन वाजता सिमेंट काँक्रिटने हा खड्डा बुजविला. शाळकरी मुले व नागरिक रस्त्यावरून चालताना वाहनाचा टायर खड्ड्यांमधून जाऊन चिखलाचे पाणी अंगावर उडण्यासह हा खड्डा अपघाताला कारणीभूत ठरत होता. याची दखल घेऊन संस्थेचे सदस्य रवी जाधव यांच्या पुढाकारातून खड्डा बुजविला.
यासाठी प्रतिष्ठानच्या सचिव समीरा खलील यांनी सिमेंट, वाळू व खडी उपलब्ध केली. संस्थेचे कार्यकर्ते लक्ष्मण कदम, सुजय सावंत, सूरज धुरी व रवी जाधव यांनीही योगदान दिले. याही अगोदर शहरातील कित्येक धोकादायक खड्डे संस्थेच्या माध्यमातून बुजविले आहेत. शहरातील बाजारपेठ व शाळा-महाविद्यालय परिसरातील सर्व खड्डे पावसाचा अंदाज घेऊन टप्प्याटप्प्याने बुजविण्याचा निर्धार येथील प्रतिष्ठानने केल्याचे जाधव यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.