आसोली प्राथमिक शाळेच्या शतक महोत्सवाची सांगता

78526
आसोली ः स्मरणिका प्रकाशन प्रसंगी उपस्थित मान्यवर.

आसोलीत शतक महोत्सवाची सांगता
वेंगुर्ले ः आसोली जिल्हा परिषद प्राथमिक शाळेच्या शतक महोत्सवाचा सांगता सोहळा नुकताच मोठ्या उत्साहात पार पडला. यानिमित्त काढलेल्या स्मरणिकेचे प्रकाशन मान्यवरांच्या हस्ते करण्यात आले. या कार्यक्रमासाठी आसोली सरपंच बाळा जाधव, उपसरपंच संकेत धुरी, ग्रामसेवक श्री. पोवार, उदय धुरी, सदानंद गावडे आदी उपस्थित होते. ग्रामस्थ आणि पालकवर्गाचीही उपस्थिती होती. व्यवस्थापन समिती अध्यक्ष संपदा नाईक यांनी कार्यक्रमाचे संपूर्ण व्यवस्थापन केले. मुखाध्यापक शरद पवार, शतक महोत्सव समितीचे सचिव विजय धुरी यांनी सूत्रसंचालन केले. सहकार्यवाह संजय गावडे यांनी संपूर्ण शतक महोत्सवासाठी आर्थिक आणि मदत केलेल्यांचे आभार मानले.
----------
78755

ओरोस क्र. १ शाळेला शालेय साहित्य
कुडाळ ः न्यू लाईफ ग्रेस मिनिस्ट्रीज ट्रस्ट सिंधुदुर्गच्या वतीने प्राथमिक शाळा ओरोस बुद्रुक क्रमांक एक येथे नुकतेच शैक्षणिक साहित्य वाटप करण्यात आले. ट्रस्टचे हे शैक्षणिक साहित्य वाटप करण्याचे दहावे वर्ष आहे. कार्यक्रमाच्या अध्यक्षस्थानी माजी पंचायत समिती सदस्या सुप्रिया वालावलकर होत्या. यावेळी व्यासपीठावर शाळेच्या मुख्याध्यापिका श्रीमती गवस, ट्रस्टचे सिंधुदुर्ग जिल्हाध्यक्ष श्री. गोम्स व सहकारी उपस्थित होते. यावेळी गोम्स यांनी विद्यार्थ्यांना मोठे व्हा आणि देश घडवा, असे मार्गदर्शन केले. कार्यक्रम यशस्वीतेसाठी शाळेचे शिक्षक, शिक्षकेतर कर्मचारी व न्यू लाईफ ग्रेस सिंधुदुर्गच्या सदस्यांनी मेहनत घेतली. सूत्रसंचालन रिया आळवेकर यांनी केले.