भाजप प्रदेशाध्यक्षांच्या माध्यमातून विद्यार्थ्यांना वह्यावाटप

-rat१९p१२.jpg-
२५N७८५०९
रत्नागिरी : विद्यार्थ्यांना वह्या वाटपाप्रसंगी विद्यार्थ्यांसमवेत राजू तोडणकर, सचिन करमरकर, मानसी करमरकर आदी.
----
भाजपतर्फे विद्यार्थ्यांना वह्यावाटप
रत्नागिरी, ता. १९ : भाजपचे नूतन प्रदेशाध्यक्ष, आमदार रवींद्र चव्हाण यांच्या माध्यमातून भाजप नगरसेवकांनी नगरपालिका शाळा क्र. १ व २ मधील गरजू विद्यार्थ्यांना मोफत वह्यांचे वाटप केले.
भाजपचे प्रदेशाध्यक्ष रवींद्र चव्हाण यांचे कोकणाकडे विशेष लक्ष आहे. यापूर्वीही त्यांच्या माध्यमातून अनेक समाजोपयोगी कामे, उपक्रम केले आहेत. शाळा सुरू झाल्यानंतर गरजू विद्यार्थ्यांची शालेय वह्यांची गरज लक्षात घेऊन त्यांच्या माध्यमातून रत्नागिरी शहरात वह्या वाटप करण्यात आले. या वेळी भाजपचे माजी नगरसेवक राजेश तोडणकर, माजी नगरसेविका मानसी करमरकर, माजी शहराध्यक्ष सचिन करमरकर, बूथ अध्यक्ष प्रसाद दामले, विजय आचरेकर, संजय कोळेकर, सुधाकर जोशी, माजी शहराध्यक्ष राजन फाळके, भाजप शहराध्यक्ष दादा ढेकणे, मुख्याध्यापक व शिक्षक आणि विद्यार्थी उपस्थित होते. या मदतीबद्दल विद्यार्थी, शिक्षक व पालकांनी भाजपचे प्रदेशाध्यक्ष व नगरसेवकांचे आभार मानले.