रत्नागिरी ः युवकांनी आवश्यक कौशल्य आत्मसात करा

rat20p4.jpg-
78670
शिरगावः येथील मत्स्य अभियांत्रिकी तंत्रनिकेतन येथे जागतिक युवा कौशल्य दिनामिमित्त झालेल्या व्याख्यानाच्यावेळी उपस्थित मान्यवर व विद्यार्थी.

युवकांनी आवश्यक कौशल्य आत्मसात करा
डॉ. केतनकुमार चौधरी ; मत्स्य महाविद्यालायत कौशल्य दिन साजरा
सकाळ वृत्तसेवा
रत्नागिरी, ता. २०ः केवळ पदवीधर होऊन आताच्या काळात नोकरी मिळणार नाही. जरी मिळाली तरीही ती टिकणार नाही. शाश्वत रोजगार संधीकरिता काही आवश्यक कौशल्य अत्यावश्यक आहेत. त्यामुळे कामातील उत्पादकता वाढवता येते. जागतिक युवा कौशल्य दिन साजरा करताना युवकांनी किमान सहा आवश्यक कौशल्य शिकण्याचा निर्धार केला पाहिजे, असे आवाहन मत्स्य अभियांत्रिकी तंत्रनिकेतनचे प्राचार्य आणि रोटेरिअन डॉ. केतनकुमार चौधरी यांनी केले.
शहराजवळील शिरगाव येथील मत्स्य अभियांत्रिकी तंत्रनिकेतन येथे जागतिक युवा कौशल्य दिनानिमित्त आयोजित कार्यक्रमात ते बोलत होते. सॉफ्ट स्किल डेव्हलएपमेंट यशाची गुरुकिल्ली या विषयावर डॉ. करे यांनी मार्गदर्शन केले. हा कार्यक्रम मत्स्य अभियांत्रिकी तंत्रनिकेतन- शिरगाव, रोटरी क्लब ऑफ रत्नागिरी आणि इंनेर व्हील क्लब ऑफ रत्नागिरी यांच्यावतीने आयोजित केला होता.
याप्रसंगी डॉ. संदीप करे यांनी सोप्या भाषेत काही निवडक संवाद कौशल्ये, व्यक्तिमत्व कौशल्ये, लोक कौशल्ये कशी वापरावीत आणि त्याचा व्यक्तिमत्व विकासात कसा उपयोग होतो, हे उदाहरणासह समजावून सांगितले. या कार्यक्रमाची प्रस्तावना डॉ. चौधरी यांनी केली. या कार्यक्रमासाठी रोटेरिअन सीताराम सावंत, इंनर व्हील क्लबच्या अध्यक्षा गांधी, सचिव सुवर्णा चौधरी व खजिनदार श्रद्धा सावंत उपस्थित होत्या. सूत्रसंचालन डॉ. राकेश जाधव यांनी केले. कार्यक्रम आयोजनासाठी सुशील कांबळे, श्री. मिरजकर, रोहित बुरटे, कार्यालय अधीक्षक श्री. यादव यांनी मेहनत घेतली.