सावर्डे-दत्ताजी नलावडेंच्या जयंतीनिमित्त कथाकथन, चित्रकला स्पर्धा

दत्ताजी नलावडेंच्या जयंतीनिमित्त
कथाकथन, चित्रकला स्पर्धा
सावर्डे, ता. २० : विधानसभेचे माजी सभापती व करजुवे गावचे सुपुत्र (कै.) दत्ताजी नलावडे यांची ८९ वी जयंती कथाकथन व चित्रकला स्पर्धा कार्यक्रमाने साजरी करण्यात आली. या वेळी करजुवे पंचक्रोशी शिक्षण संस्थेचे संस्थापक अध्यक्ष प्राचार्य शशिकांत नलावडे, माजी सभापती सुभाष नलावडे, संस्था सचिव सूर्यकांत देवस्थळी, संचालक शामसुंदर माने, संचालिका प्रिया नलावडे, सुवर्णा देवस्थळी आदी उपस्थित होते.
यानिमित्ताने जगातील सर्वात मोठी दक्षिण आफ्रिकेतील नव्वद किमीची कॉम्रेड मॅरेथॉन स्पर्धा यशस्वीपणे पूर्ण केल्याबद्दल सुवर्णसूर्य फाउंडेशनचे संस्थापक प्रसाद देवस्थळी यांचा शाल, श्रीफळ व पुष्पगुच्छ देऊन सन्मान करण्यात आला. स्व. नलावडे यांच्या जयंतीनिमित्त घेतलेल्या स्पर्धांचे बक्षीस वितरण करण्यात आले.
विजेते अनुक्रमे असे ः पहिली ते चौथी कथाकथन स्पर्धा- वैष्णवी पडये, रुद्र मांडरकर, आराध्या बाचीम. पाचवी ते सातवी- स्वरा घाटपांडे, साई सुर्वे, सिद्धी पांचाळ. आठवी ते दहावी- प्रांजल कवळकर, श्रावणी बने, सृष्टी बाचिम. चित्रकला स्पर्धा- पहिली ते चौथी- अर्णव पेडामकर, श्रेया बाचिम, पूर्वा बोले. पाचवी ते सातवी- अथर्व चांदीवडे, देवयानी भायजे, शुभम बोले. आठवी ते दहावी- सिमरन चांदीवडे, ईशा जुवळे, दिपेश बाचिम. स्पर्धेत भातगाव, पेंढाबे, आरवली, माखजन, धामापूर, पिरंदवणे आदी शाळांचे विद्यार्थी सहभागी झाले होते.