भातलागवडीचे प्रात्यक्षिक

कोळंबेत भात लागवडीचे प्रात्यक्षिक
सकाळ वृत्तसेवा
पावस, ता. २१ ः कोळंबे गावात कार्यरत असलेल्या मृदासुत गटाने भात पिकात शाश्वत उत्पादनासाठी विविध सुधारित तंत्रज्ञानांची प्रभावी प्रात्यक्षिके गावातल्या बागवडीतील प्रगतशील शेतकरी नारायण आगाशे यांच्या शेतावर घेतली.
या प्रात्यक्षिकांमध्ये गिरीपुष्पाच्या पानांचा हिरवळ खतासाठी वापर, भात रोपांवर पीएसबीची प्रक्रिया करणे, भाताची ओळींमध्ये लागवड, डीएपी ब्रिकेट्सच्या साहाय्याने खते देणे आदीचा समावेश होता. या सर्व प्रात्यक्षिकांचे उद्दिष्ट जमिनीची सुपिकता वाढवणे, उत्पादन वाढवणे आणि पर्यावरणपूरक शेतीस चालना देणे हे होते. कार्यक्रमात स्थानिक शेतकरी उपस्थित होते आणि त्यांनी या नवीन तंत्रज्ञानाविषयी समाधान व्यक्त केले. प्रात्यक्षिकांसाठी कृषि महाविद्यालयाचे सहयोगी अधिष्ठाता डॉ. मकरंद जोशी, प्रादेशिक नारळ संशोधन केंद्राचे केंद्रप्रमुख डॉ. किरण मालशे, विषय विशेषज्ञ डॉ. पी. जी. अहिरे, डॉ. पी. डी. पोटफोडे, डॉ. व्ही. जी. चव्हाण आणि कार्यक्रम अधिकारी डॉ. संतोष वानखेडे यांचे मार्गदर्शन लाभले.