माडखोल फार्मसी कॉलेजच्या दहा विद्यार्थ्यांना नोकरी

swt211.jpg
78932
माडखोलः व्ही. पी. कॉलेजमध्ये प्लेसमेंट ड्राईव्हचे आयोजन करण्यात आले.

माडखोल फार्मसी कॉलेजच्या
दहा विद्यार्थ्यांना नोकरी
सकाळ वृत्तसेवा
सावंतवाडी, ता. २१ः व्ही. पी. कॉलेज ऑफ फार्मसी माडखोलमार्फत शैक्षणिक वर्ष २०२५ मध्ये डी. फार्मसी, बी. फार्मसी आणि एम. फार्मसी विद्यार्थांसाठी जून अखेरपर्यंत तीन प्लेसमेंट ड्राईव्ह आयोजित करण्यात आले. महाविद्यालयाने १२ जुलैला चौथा कॅम्पस प्लेसमेंट ड्राईव्ह आयोजित केला. यामध्ये गोव्यातील पुनिस्का इंजेक्टेबल्स फार्मामार्फत प्रोडक्शन आणि क्वालिटी अश्युरन्स डिपार्टमेंटसाठी एकूण २५ विद्यार्थांच्या मुलाखती घेण्यात आल्या. त्यामध्ये पाच विद्यार्थ्यांची प्रोडक्शन डिपार्टमेंट आणि पाच विद्यार्थ्यांची क्वालिटी अश्युरन्स डिपार्टमेंट अशी एकूण दहा विद्यार्थांची निवड करण्यात आली.
विद्यापीठ परीक्षेच्या अंतिम निकालापूर्वीच महाविद्यालयाने आयोजित केलेल्या प्लेसमेंट ड्राईव्हमार्फत पन्नासहून अधिक विद्यार्थांची विविध नामांकित फार्मास्युटिकल कंपन्यांमध्ये निवड झाली. याबद्दल संस्थेचे आधारस्तंभ व प्रेरणास्थान माजी कुलगुरू डॉ. वेदप्रकाश पाटील, कार्याध्यक्ष आमदार डॉ. राहुल पाटील यांनी निवड झालेल्या विद्यार्थ्यांचे अभिनंदन केले. महाविद्यालयाच्या ट्रेनिंग आणि प्लेसमेंट सेलचे प्रमुख डॉ. संदेश सोमनाचे आणि सहकारी यांचे कौतुक केले.
विद्यार्थांच्या या निवडीबद्दल विद्यार्थी आणि पालक वर्गातून आनंद व्यक्त होत आहे. विद्यापीठ आणि मान्यता परिषदेच्या नियमित अभ्यासक्रमाबरोबरच महाविद्यालयात औद्योगिक आणि व्यवसायपूरक अभ्यासक्रम घेतले जातात. यामुळे फार्मास्युटिकल इंडस्ट्रीजसाठी प्रशिक्षित आणि कार्यकुशल उमेदवार उपलब्ध होत आहेत. येणाऱ्या काळातही विद्यार्थांच्या ट्रेनिंग आणि प्लेसमेंटसाठी विविध उपक्रम आयोजित करण्यात येतील, असे महाविद्यालयाचे प्राचार्य डॉ. सुनील शिंगाडे यांनी सांगितले.