-विद्यार्थ्यांनी केल्या पर्यावरणपुरक कागदी पिशव्या

- Rat२१p११.jpg-
P२५N७८९०८
मंडणगड ः विद्यार्थ्यांनी तयार केलेल्या कागदी पिशव्या दाखवताना प्राचार्य डॉ. वाल्मीक परहर व अन्य मान्यवर.

विद्यार्थ्यांनी बनवल्या कागदी पिशव्या
मुंडे महाविद्यालय; कौशल्य दिनानिमित्त कार्यक्रम
सकाळ वृत्तसेवा
मंडणगड, ता. २१ ः लोकनेते गोपीनाथजी मुंडे कला, वाणिज्य व विज्ञान महाविद्यालयाच्या गुणवत्ता हमी कक्ष विभाग, राष्ट्रीय सेवा योजना व निसर्ग मंडळ यांच्यावतीने महाविद्यालयात जागतिक युवा कौशल्य दिन साजरा करण्यात आला. कौशल्य दिनानिमित्ताने विद्यार्थ्यांनी कागदी पिशव्या बनवण्याचे कौशल्य आत्मसात केले.
लोकनेते गोपीनाथजी मुंडे महाविद्यालयात झालेल्या कार्यक्रमावेळी प्राचार्य डॉ. वाल्मीक परहर, उपप्राचार्य डॉ. विष्णू जायभाये, एनएसएस कार्यक्रमाधिकारी प्रा. संदीप निर्वाण, डॉ. संगीता घाडगे, डॉ. महेश कुलकर्णी, डॉ. शैलेश भैसारे आदी मान्यवर उपस्थित होते. कौशल्य विकास कार्यशाळेमध्ये कार्यक्रमाधिकारी प्रा. निर्वाण यांनी या दिनाचे महत्त्व सांगून कागदी पिशव्या कशा तयार कराव्यात, याचे प्रशिक्षण दिले. या वेळी प्रभारी प्राचार्य डॉ. वाल्मीक परहर म्हणाले, राष्ट्रीय सेवा योजनेमार्फत सर्वांगीण व्यक्तिमत्त्व विकासाला महत्त्व दिले जाते. या दिवसाचे महत्त्व लक्षात घेता विद्यार्थ्यांनी आपल्या अंगी असलेले कौशल्य विकसित करून त्यांच्या व्यक्तिमत्त्वाचा विकास साधला जातो, असे त्यांनी सांगितले.