कविवर्य बंधूसखांचे प्रगल्भ साहित्य प्रेरणादायी

Rat२१p१६.jpg
२५N७८९२१
ःगारगोटी ः कविवर्य सखाराम खोत यांच्या ज्ञानबंधू गाथा या पुस्तकाचे प्रकाशन करताना पालकमंत्री प्रकाश आबिटकर आणि दिसत आहेत.
------
बंधूसखांचे प्रगल्भ साहित्य प्रेरणादायी
प्रकाश आबिटकर ः ज्ञानबंधू गाथा पुस्तकाचे प्रकाशन
सकाळ वृत्तसेवा
मंडणगड, ता. २१ ः कविवर्य सखाराम खोत उर्फ बंधूसखा यांचे प्रगल्भ वैचारिक लिखाण हे लोककलाकारांसाठी प्रेरणादायी व अभ्यासात्मक असल्याचे गौरवोद्गार महाराष्ट्र राज्याचे आरोग्य व कुटुंबकल्याणमंत्री तथा कोल्हापूर जिल्ह्याचे पालकमंत्री प्रकाश आबिटकर यांनी काढले.
गारगोटी (ता. भुदरगड) येथे आयोजित लोककलाकार संमेलन व पुस्तक प्रकाश सोहळ्यात ते बोलत होते. या कार्यक्रमाचे अध्यक्षस्थान शिवाजी विद्यापीठाचे मराठी विभागप्रमुख प्रा.डॉ. नंदकुमार मोरे यांनी भूषवले. कार्यक्रमात कविवर्य शाहीर सखाराम संभाजी खोत यांच्या ज्ञानबंधू गाथा खंड १ ते ७ या पुस्तकाचे प्रकाशन करण्यात आले. या पार्श्वभूमीवर आबिटकर म्हणाले, बंधुसखा यांचे साहित्य युवापिढी व लोककलाकार म्हणून विविध क्षेत्रात कार्यरत असणाऱ्या सर्वांसाठी आदर्शवत असल्याचे सांगितले. प्रा. डॉ. नंदकुमार मोरे म्हणाले, कविवर्य सखाराम खोत यांच्या पुस्तकावर भविष्यात मोठे संशोधन होऊ शकेल. त्यांचे लिखाण जागृती, प्रबोधन, व लोककलेचा मूळ गाभा उलगडणारे असल्याने डॉक्टरेट मिळवणाऱ्या विद्यार्थ्यांसाठी शोधप्रबंधांचा विषय ठरू शकेल.
कार्यक्रमाला आनंदराव आबिटकर, सदाशिव खेगडे, बाजीराव चव्हाण, प्रशांत भोई, मंडणगड तालुक्यातील शाहीर महादेव माळी, अरुण नाकती, अभय पिचुर्ले, संजय सुगदरे, दिनेश जांभळे, प्रशांत नाकती, सचिन माळी, दत्ताराम महाडीक आदी उपस्थित होते.