कुंभारमाठ-स्वयंभूवाडी येथील बंद घर फोडले

79046

कुंभारमाठ-स्वयंभूवाडी
येथील बंद घर फोडले

१५ हजारांची चोरी; पोलिसांत फिर्याद

सकाळ वृत्तसेवा
मालवण, ता. २१ : कुंभारमाठ गोवेकरवाडी मार्गावर स्वयंभूवाडी येथील तुषार उर्फ बाबू कासवकर यांचे बंद घर चोरट्यांनी फोडले. घरातील सुमारे १५ हजार रुपयांची रोकड चोरट्यांनी पळविली. या परिसरात गेल्या काही दिवसांतील चोरीची ही तिसरी घटना आहे.
पोलिसांकडून मिळालेल्या माहितीनुसार, कासवकर कुटुंबीय उद्योग व्यवसाय व मुलांच्या शिक्षणानिमित्त मालवण येथे राहतात. चार-आठ दिवसांनी ते घरी फेरी मारतात. शनिवारी (ता. १९) सायंकाळी ते घरी गेले असता घराचे कुलूप तुटलेले दिसले. त्यांनी आत पाहिले असता कपाट फोडून साहित्य पसरलेले होते. व्यवसायात लागणारे सुट्या पैशांची नाणी कासवकर यांनी बँकेतून आणून घरात ठेवली होते. त्या पैशांवर चोरट्यांनी डल्ला मारला. कासवकर यांनी पोलिसांना याबाबत माहिती दिली आहे. दोन रुपयांची नाणी असलेल्या दोन बॅग चोरट्यांनी चोरल्या असून मोठ्या प्रमाणात दोन रुपयांची नाणी कोणी व्यावसायिकांना द्यायला आल्यास खात्री करण्याचे आवाहन कासवकर यांनी केले आहे.