भाजलेल्‍या वृद्धेचा रुग्णालयात उपचार सुरू असताना मृत्‍यू

भाजलेल्‍या वृद्धेचा रुग्णालयात
उपचार सुरू असताना मृत्‍यू

सकाळ वृत्तसेवा
कणकवली, ता.२१ ः स्वयंपाक करताना भाजलेल्‍या वृद्धेचा उपचार सुरू असताना ओरोस येथील जिल्‍हा रूग्‍णालयात मृत्‍यू झाला. गीता सुधाकर प्रभू (वय ७३, रा.आदर्शनगर जानवली) असे मृताचे नाव आहे.
पोलिसांकडून मिळालेल्या माहितीनुसार, गीता या १२ मे रोजी आपल्‍या आदर्शनगर येथील घरात स्वयंपाक करत असताना ४५ टक्‍के भाजल्‍या होत्या. यावेळी गीता यांचे पती सुधाकर यांनी गीता यांच्या गाऊनला लागलेली आग अटोक्यात आणून त्यांना शहरातील खासगी रूग्‍णालयात दाखल केले होते. त्‍यानंतर त्‍यांना अधिक उपचारासाठी कणकवली उपजिल्‍हा रूग्‍णालय आणि त्‍यानंतर ओरोस येथील जिल्‍हा रूग्‍णालयात उपचार सुरू होते. रविवारी (ता.२०) उपचारा दरम्‍यान सायंकाळी त्‍यांचा मृत्यू झाला. या घटनेची खबर गीता यांचे नातेवाईक सुप्रिया समीर पाटील यांनी आज कणकवली पोलिस ठाण्यात दिली. या प्रकरणी आकस्मिक मृत्‍यू अशी नोंद कणकवली पोलिस ठाण्यात करण्यात आली आहे.