अशोकसिंह ठाकूरांना ‘शिवसन्मान’ प्रदान

79147

अशोकसिंह ठाकूरांना ‘शिवसन्मान’

सकाळ वृत्तसेवा
कुडाळ, ता. २२ ः किल्ले रायगडावर होणारा श्री शिवराजाभिषेक सोहळा यशस्वी करण्यासाठी प्रशासनाच्या खांद्याला खांदा लावून सहकार्य करणाऱ्या मावळ्यांचा सन्मान दरवर्षी ‘जागर शिवराजाभिषेकाचा’ या सोहळ्यात शिवराज्याभिषेक समितीतर्फे सत्कार करण्यात येतो. हा सोहळा रविवारी (ता. २०) मुंबई येथे करण्यात आला. ज्येष्ठ नाणे संग्राहक व अभ्यासक, इंटक (दिल्ली) संस्थेचे अध्यक्ष अशोकसिंह ठाकूर यांना त्यांच्या इतिहास संवर्धन व नाणे क्षेत्रातील योगदानाबाबत ‘शिवसन्मान २०२५’ देऊन सन्मानित करण्यात आले.
या कार्यक्रमासाठी ज्येष्ठ इतिहास संकलक अप्पा परब, स्वातंत्र्यवीर सावरकर राष्ट्रीय स्मारकाचे कार्याध्यक्ष रणजित सावरकर, कार्यवाह राजेंद्र वराडकर, शिवराज्याभिषेक दिनोत्सव सेवा समिती किल्ले रायगड अध्यक्ष सुनील पवार, महाराष्ट्र राज्य पुराभिलेख माजी संचालक दिलीप बलसेकर, ज्येष्ठ नाणे संग्राहक श्री. बस्ती, सोलंकी व ओसवाल नाणे ऑक्शन हाऊसचे गिरीश वीरा, तोडीवाला ऑक्शन हाऊसचे फारुख तोडीवाला, गणेश नेने आदी मान्यवर उपस्थित होते. आजच्या तरुणाईच्या पाठीशी खंबीरपणे उभे राहू, अशी ग्वाही यावेळी सुनील पवार यांनी दिली.