वर्षभरात फिनोलेक्स अॅकॅडमीच्या ३०१ विद्यार्थ्यांना नोकरी

‘फिनोलेक्स’च्या ३०१ विद्यार्थ्यांना नोकरी
सकाळ वृत्तसेवा
रत्नागिरी, ता. २२ : येथील फिनोलेक्स अॅकॅडमीमधून वर्षभरात बाहेर पडलेल्या ३०१ विद्यार्थ्यांना उद्योगविश्वातील नामवंत कंपन्यांकडून नोकरीची संधी मिळाली आहे. गुणवत्तापूर्ण शिक्षणाबरोबरच प्लेसमेंटच्या चांगल्या संधी उपलब्ध करून देण्यात हे अभियांत्रिकी महाविद्यालय कोकणात अग्रेसर ठरले आहे.
टीसीएस (टाटा कन्सल्टन्सी सर्व्हिसेस) कॅपजेमिनी, सीमेन्स, रिलायन्स, महिंद्रा सोलराइझ, स्नायडर इलेक्ट्रिक, विप्रो पारी, इलेक्ट्रोमेक, विनती ऑरगॅनिक्स टेक्निमोंट, मरिन इलेक्ट्रिकल्स, सिक्लम, क्यु स्पायडर, रोश पॉलिमर, मॅक्सवेल, बेंचमार्क अशा एकूण ५२ नामांकित कंपन्यांमध्ये विद्यार्थ्यांची नियुक्ती झाली आहे.
शिक्षण घेतानाच अधिकाधिक विद्यार्थ्यांना नोकरीची संधी प्राप्त करून देण्यासाठी फिनोलेक्स अॅकॅडमी कटिबद्ध आहे. विद्यार्थ्यांसाठी विविध प्रशिक्षण कार्यक्रमांचे आयोजन केले जाते. बार्कलेज व ग्लोबल टॅलेंट ट्रॅक यांच्याशी भागीदारीत ''लाइफ स्किल्स'' कार्यक्रम, ॲप-टेकमार्फत अ‍ॅप्टिट्यूड प्रशिक्षण, ‘कोड फ्युजन’ प्रोग्रॅमिंग सीरिज, प्रकल्प व्यवस्थापन कार्यशाळा, कंपनी स्पेसिफिक प्रशिक्षण आणि मुलाखत सत्रे असे अनेक उपक्रम त्यात समाविष्ट आहेत. विद्यार्थ्यांना विविध उद्योगांमध्ये नोकरीतील प्रशिक्षण (इंटर्नशिप) करण्याची संधीदेखील दिली जाते. २०२५ चा इलिट एज्युकेशन अँड इन्स्टिट्यूशनल एक्सलन्स या संस्थेचा प्लेसमेंटमधील सर्वोत्तम अभियांत्रिकी महाविद्यालयाचा पुरस्कार फिनोलेक्स अॅकॅडमीला प्राप्त झाला आहे.

कोट
मागील चार वर्षांमध्ये फिनोलेक्स अॅकॅडमीने सुमारे १२०० विद्यार्थ्यांना १००हून अधिक नामांकित कंपन्यांमध्ये नोकरीच्या संधी उपलब्ध करून दिल्या आहेत. त्यामुळेच फिनोलेक्स अॅकॅडमी कोकणातील विद्यार्थ्यांसाठी रोजगाराभिमुख अभियांत्रिकी शिक्षण देणारी एक विश्वासार्ह संस्था म्हणून नावारूपाला आली आहे.
- डॉ. कौशल प्रसाद, प्राचार्य.