सावंतवाडीत भाजपतर्फे रक्तदान शिबिर

79198

सावंतवाडीत भाजपतर्फे रक्तदान शिबिर

मुख्यमंत्री फडणवीसांचा वाढदिवस विविध उपक्रमांनी

सकाळ वृत्तसेवा
सावंतवाडी, ता. २२ ः राज्याचे मुख्यमंत्री देवेंद्र फडणवीस यांचा वाढदिवस सावंतवाडी शहर भाजपच्या माध्यमातून येथील उपजिल्हा रुग्णालयामध्ये रक्तदान शिबिर घेऊन साजरा केला. युवराज लखमराजे भोसले यांच्या हस्ते भाजप महिला जिल्हाध्यक्षा श्वेता कोरगावकर, वैद्यकीय अधीक्षक डॉ. ज्ञानेश्वर ऐवळे यांच्या उपस्थितीत या शिबिराचे उद्‍घाटन करण्यात आले.
मुख्यमंत्री फडणवीस यांच्या वाढदिवसानिमित्त विविध सामाजिक उपक्रम राबविण्यात आले. येथील उपजिल्हा रुग्णालयात शहर भाजपच्या माध्यमातून भव्य रक्तदान शिबिर आयोजित करण्यात आले‌. मुख्यमंत्र्यांचा वाढदिवस सामाजिक जाणिवांचा आहे. पवित्र असे दान यानिमित्ताने केले जात आहे, असे मत लखमराजे यांनी व्यक्त केले. आमच्या रक्तात राष्ट्रभक्ती आहे. त्यामुळे रक्तदान शिबिराचे आयोजन राज्यभरात केले आहे‌. सिंधुदुर्गात देखील मोठ्या संख्येने दात्यांनी उत्स्फूर्तपणे सहभाग घेतल्याचे महिला जिल्हाध्यक्षा सौ. कोरगावकर म्हणाल्या. डॉ. ऐवळे यांनी या सामाजिक उपक्रमाला शुभेच्छा दिल्या. उपस्थितांनी रक्तदान करत या शिबिरात सहभाग घेतला.‌ यावेळी भाजप शहराध्यक्ष सुधीर आडिवरेकर, मंडळ अध्यक्ष स्वागत नाटेकर, संतोष राऊळ, पंकज पेडणेकर, रवींद्र मडगावकर, माजी नगरसेवक आनंद नेवगी, मनोज नाईक, माजी सभापती मानसी धुरी, शर्वाणी गावकर, उन्नती धुरी, दीपाली भालेकर, सुकन्या टोपले, मेघना साळगावकर, ॲड. संजू शिरोडकर, प्रवीण देसाई, मधुकर देसाई, दिलीप भालेकर, संजय शिरसाट, नागेश जगताप, बंटी जामदार, अमित गौंडळकर, जितेंद्र गावकर, हितेन नाईक आदी उपस्थित होते.