निवडणूक

गावडेआंबेरे शाळेत
संसद निवडणूक
पावस, ता. २२ ः रत्नागिरी तालुक्यातील गावडेआंबेरे-खारवीवाडा शाळेत आनंददायी शनिवार उपक्रमांतर्गत विद्यार्थी संसद निवडणूक घेण्यात आली. शंभर टक्के मतदान झालेल्या या निवडणुकीत एकूण ८८.७५ टक्के वैध मतदान झाले असून ११.२५ टक्के मते बाद झाल्याने त्यांची गणना करण्यात आली नाही. या निवडणुकीत विद्यार्थी विकास पार्टीचे उमेदवार संवेद लाकडे यांनी ९ मतांनी विजय मिळवला. विद्यार्थी उत्कर्ष पार्टीचे उमेदवार सुफीयान काझी उपविजयी ठरले. विद्यार्थ्यांनी निवडणूक प्रक्रियेत उमेदवारी अर्ज भरण्यापासून प्रचार आणि मतदानापर्यंत संपूर्ण प्रक्रियेत सहभाग घेतल्याने ही निवडणूक एक शिक्षणात्मक प्रयोग ठरली. शाळेतील सर्व शिक्षकांनी व विद्यार्थ्यांनी अत्यंत परिश्रम घेऊन ही निवडणूक यशस्वी केली. या अनोख्या उपक्रमाचे पालक, ग्रामस्थ व विद्यार्थ्यांमध्ये विशेष कौतुक झाले.