गोगटे महाविद्यालयात शैक्षणिक नेतृत्व कार्यशाळा

-rat२२p१०.jpg-
P२५N७९१५४
रत्नागिरी : गोगटे- जोगळेकर स्वायत्त महाविद्यालयात आयोजित शैक्षणिक नेतृत्व कार्यशाळेत सहभागी प्राध्यापक.
---------
‘गोगटे’त शैक्षणिक नेतृत्व कार्यशाळा
सकाळ वृत्तसेवा
रत्नागिरी, ता. २२ : गोगटे-जोगळेकर स्वायत्त महाविद्यालयात महाराष्ट्र राज्य शिक्षक विकास प्रबोधिनीच्या सहकार्याने आणि प्रधानमंत्री उन्नत समग्र उच्च शिक्षण अभियान योजनेअंतर्गत शैक्षणिक नेतृत्व विषयावर पाचदिवसीय कार्यशाळा झाली. शैक्षणिक नेतृत्व विकसित करण्याच्यादृष्टीने हा कार्यक्रम अत्यंत उपयुक्त, मार्गदर्शक व प्रेरणादायी ठरला.
विविध नामवंत तज्ज्ञांनी शैक्षणिक प्रशासकीय धोरणे, संस्थात्मक नियोजन, गुणवत्तेची हमी, नैतिक नेतृत्व व परिणामकारक संवाद अशा अनेक विषयांवर मार्गदर्शन केले. कार्यक्रमात सैद्धांतिक सत्रांबरोबरच कृतीमूलक कार्यशाळांचाही समावेश होता. कार्यक्रमात डॉ. विद्या हत्तंगडी, प्रदीप पेंडसे, डॉ. नंदकुमार निकम, डॉ. संजय चाकण, डॉ. देविदास गोल्हार, डॉ. स्वप्नील नरके, डॉ. विजय ढोले, डॉ. संजय धर्माधिकारी, डॉ. नीलेश बेरड यांनी मार्गदर्शन केले.
कार्यक्रमाचे समन्वयक डॉ. यास्मीन आवटे यांनी केले. डॉ. अपर्णा कुलकर्णी यांनी पीएम-उषा समन्वयक म्हणून कार्य पाहिले. प्राचार्य डॉ. मकरंद साखळकर, उपप्राचार्या डॉ. सीमा कदम आणि सहसमन्वयक सीए डॉ. अजिंक्य पिलणकर यांनी नियोजन, सहकार्य केले. डॉ. मीनल खांडके यांनी सूत्रसंचालन केले.