पावस पूर शाळेचे यश

-rat२२p३२.jpg-
२५N७९२४८
देवरूख ः पूर शाळेतील विद्यार्थिनीचा गौरव करताना मान्यवर.
----
पूर शाळेत गुणवंतांचा गौरव
सकाळ वृत्तसेवा
पावस, ता. २२ ः संगमेश्वर तालुक्यातील पूर येथील प्राथमिक शाळेतील पाचवी शिष्यवृत्ती व मंथन परीक्षेतील गुणवत्ताधारक विद्यार्थ्यांचा गुणगौरव करण्यात आला.
पाचवी शिष्यवृत्ती परीक्षेतील संस्कृती घुमे आणि विराज झेपले या दोन विद्यार्थ्यांनी जिल्हा सर्वसाधारण गुणवत्ता यादीमध्ये स्थान मिळवले. मंथन परीक्षेत वंश पाटील हा विद्यार्थी कोकण विभागात प्रथम आला. रिषभ कांबळे व संस्कृती वेले हे विद्यार्थी जिल्हा गुणवत्ता यादीत चमकले आहेत. शाळेने मिळवलेल्या या भरघोस यशामुळे शाळा व्यवस्थापन समिती अध्यक्षा स्नेहा वेले, उपाध्यक्ष विनायक वेले, सरपंच सुबोध पेडणेकर, उपसरपंच संजना कांबळे, ग्रामपंचायत सदस्य जनार्दन कांबळे, मंगेश वेले, माजी उपसरपंच भाऊ डोंगरे, संजय झेपले, माजी सैनिक सुभेदार अशोक झेपले, शांताराम कांबळे, माजी तंटामुक्त कमिटी अध्यक्ष महेश झेपले, पोलिस पाटील सुरेश वेले, केंद्रविस्तार अधिकारी तानाजी नाईक, केंद्रप्रमुख अभिमन्यू शिंदे यांनी सर्व गुणवंत विद्यार्थ्यांचे अभिनंदन केले. या वेळी मुख्याध्यापिका आरती भालेकर, शिक्षक राजेश सावंत, समीर मोहिते, वृषाली आगळे आदी उपस्थित होते.