विशेष प्रश्नावलीत सहभागाचे आवाहन

विशेष प्रश्नावलीत
सहभागाचे आवाहन
सिंधुदुर्गनगरी, ता. २२ः ‘विकसित महाराष्ट्र २०४७’ या राज्याच्या महत्त्वाकांक्षी उपक्रमांतर्गत क्रीडा क्षेत्रातील नागरिकांचे मौल्यवान मत व सूचना जाणून घेण्यासाठी क्रीडा व युवक सेवा संचालनालयामार्फत विशेष प्रश्नावली तयार केलेली आहे. ही प्रश्नावली गुगल फार्मद्वारे सादर करण्याची सुविधा उपलब्ध करून देण्यात आलेली आहे.
या उपक्रमामध्ये जिल्ह्यातील सर्व स्तरांतील नागरिक, खेळाडू, प्रशिक्षक, क्रीडा संघटनांचे पदाधिकारी, क्रीडा क्षेत्रातील अभ्यासक तसेच क्रीडाप्रेमींनी सहभाग सुनिश्चित करणे आवश्यक आहे. नागरिकांच्या सूचनांवर आधारित पुढील क्रीडा धोरण तयार करण्यात येणार आहे व राज्याच्या क्रीडा क्षेत्राला जागतिक स्तरावर पोहोचविण्यासाठी उपयुक्त ठरणार आहे. लिंकमध्ये नागरिकांचे मत नमूद करण्याचे सुचित करण्यात आले आहे. जिल्ह्यातील क्रीडा क्षेत्राशी संबंधित नागरिक, खेळाडू, प्रशिक्षक, क्रीडा संघटनांचे पदाधिकारी, क्रीडा अभ्यासक तसेच क्रीडाप्रेमींनी या उपक्रमात सहभागी होऊन आपले मत नोंदवावे, असे आवाहन जिल्हा क्रीडा अधिकारी नीलिमा अडसूळ यांनी केले आहे.