उध्दव ठाकरेंच्या वाढदिनानिमित्त उद्यापासून सावंतवाडीत कार्यक्रम

swt2225.jpg
79258
सावंतवाडीः ठाकरे शिवसेनेच्या बैठकीस उपस्थित रुपेश राऊळ, मायकल डिसोजा, शैलेश गवंडळकर, निशांत तोरसकर, अशोक धुरी, विनोद ठाकूर, सुनील गावडे आदी.

उध्दव ठाकरेंच्या वाढदिनानिमित्त
उद्यापासून सावंतवाडीत कार्यक्रम
सकाळ वृत्तसेवा
सावंतवाडी, ता. २२ः माजी मुख्यमंत्री तथा ठाकरे शिवसेना पक्षप्रमुख उद्धव ठाकरे यांच्या ७० व्या वाढदिवसानिमित्त सावंतवाडी येथे विविध कार्यक्रमांचे आयोजन केले आहे. सावंतवाडी शिवसेना मध्यवर्ती कार्यालयात झालेल्या बैठकीत हा निर्णय घेण्यात आला. या कार्यक्रमाची सुरुवात गुरुवारी (ता. २४) सकाळी १०:३० वाजता होणार आहे. यावेळी सावंतवाडी येथील काझी शहाबुद्दीन हॉल येथे कोकण रेल्वे स्थानकासमोरील रिक्षा चालकांना आरोग्य साहित्य वाटप करण्यात येईल.
शुक्रवारी (ता. २५) सकाळी ११ वाजता वेत्ये येथील प्राथमिक शाळेत शैक्षणिक साहित्य आणि खाऊ वाटप, सायंकाळी ३ वाजता सावंतवाडी तालुक्यातील दहावी-बारावीच्या गुणवंत व्यक्तींचा सत्कार समारंभ आयोजित केला आहे. कार्यक्रमाची सांगता सोमवारी (ता. २८) होईल. त्या दिवशी सावंतवाडी शहरातील मंदिरात लघुरुद्र यज्ञाचा धार्मिक कार्यक्रम ठेवला असून, त्यावेळी उद्धव ठाकरे यांना उदंड आयुष्य आणि उत्तम आरोग्य लाभावे, यासाठी सामूहिक प्रार्थना केली जाईल.
या नियोजन बैठकीला सावंतवाडी विधानसभा मतदारसंघ प्रमुख रुपेश राऊळ, तालुकाप्रमुख मायकल डिसोजा, शहर प्रमुख शैलेश गवंडळकर, शहर संघटक निशांत तोरसकर, दर्शन चराठकर, शहर संघटक श्रुतिका दळवी, महिला तालुका संघटक नम्रता झारापकर, आबा केरकर, उपतालुकाप्रमुख अशोक धुरी, विनोद ठाकूर, सुनील गावडे, विनोद काजरेकर, पुरुषोत्तम राऊळ, संदेश केरकर, शिवदत्त घोगळे, संदीप गवस उपस्थित होते.