बीएसएनएलच्या समस्यांबाबत परुळेत ग्रामस्थांनी वाचला पाढा

79455
‘बीएसएनएल’च्या समस्यांबाबत
परुळेत ग्रामस्थांनी वाचला पाढा

सकाळ वृत्तसेवा
म्हापण, ता. २३ ः परुळे म्हापण पंचक्रोशीतील बीएसएनएल सेवा वारंवार खंडित होत असल्याने या भागातील तक्रारी जाणून घेण्यासाठी आज बीएसएनएल उपप्रबंधक सागर जोरावले यांनी परुळे ग्रामपंचायत येथे उपस्थित राहून समस्या जाणून घेतल्या. त्यावेळी परुळेबाजार, कुशेवाडा, भोगवे, चिपी, कर्ली, म्हापण, केळूस येथील टॉवर समस्या व बीएसएनएल अनियमितता निदर्शनास आणून देण्यात आली.
बीएसएनएल सेवा वारंवार खंडित होत असल्याने होणाऱ्या मनस्तापाचा पाढा यावेळी वाचण्यात आला. यावेळी माजी सभापती नीलेश सामंत, कुशेवाडा सरपंच नीलेश सामंत, परुळेबाजार उपसरपंच संजय दुधवडकर, उपाध्यक्ष प्रसाद पाटकर, प्रकाश चव्हाण, साईनाथ माड्ये, म्हापण माजी सरपंच तथा सदस्य गुरुनाथ मडवळ, भोगवे उपसरपंच रूपेश मुंडये, कोचरे सोसायटी अध्यक्ष तथा शिवसेना विभागप्रमुख देवदत्त साळगावकर आदींसह ग्रामस्थ उपस्थित होते. उपप्रबंधक जोरावले यांनी सर्व समस्या तातडीने मार्गी लावण्यासाठी पूर्ण प्रयत्न करू, असे आश्वासन दिले.