एकाग्रता असल्यास यश मिळते

79383

एकाग्रता असल्यास यश मिळते

गावडेकाका महाराज : माड्याचीवाडीत विद्यार्थ्यांना मार्गदर्शन

सकाळ वृत्तसेवा
कुडाळ, ता. २३ ः मनाची एकाग्रता हेच आपले ध्येय ठेवा, म्हणजेच तुम्ही जीवनात यशस्वी व्हाल, असे प्रतिपादन गावडेकाका महाराज यांनी ‘मन ही एक अद्‌भूत शक्ती’ या कार्यशाळेत केले.
माड्याचीवाडी येथे दहावी व बारावीच्या विद्यार्थ्यांसाठी ‘मन ही एक अद्‌भूत शक्ती’ या कार्यशाळेचे आयोजन केले होते. यावेळी ते बोलत होते. ते पुढे म्हणाले, ‘जीवनाची सुरूवात आपल्या ध्येय्याने, परिश्रमातून, आत्मविश्वासाने होत असते. जीवनाच्या सुखकर वळणाच्या पायवाटेने तुम्ही सुरूवात करणार आहात. ‘मन ही एक अद्‌भूत शक्ती’ या कार्यक्रमातून पालकांना, विद्यार्थ्यांना योग्य मार्गदर्शन करून तुमच्या आतील सुप्त शक्ती, तुमचं भरकटलेल मन सगळ व्यवस्थित करून तुमचं मन ध्येय्याकडे नेण्यासाठी, तुमचा आत्मविश्वास वाढविण्यासाठी हा प्रयत्न या माध्यमातून केला जातो. संस्कार, चांगल आचरण, आचार विचार मनन, चिंतन ध्यास आपल्या यशाची गुरूकिल्ली हे शिकवले जाईल. विद्यार्थ्यांनी ध्येय्य कसे गाठायचे? हे योग निद्रेतून शिकवले जाईल व त्यातून तुम्हाला चैतन्यमय जीवन जगता येईल. मनाची एकाग्रता हेच आपल ध्येय्य ठेवा. आई-वडील व पालकांना माझ हेच सांगण आहे. विद्यार्थी, विद्यार्थिनींनी मोबाईलचा दूरूउपयोग टाळावा व अभ्यासावर लक्ष केंद्रित करा.’ गणित व इंग्लिश विषयाचे तज्ज्ञ शिक्षक सुहास आंबेसकर व रेकि मास्टर, आंतरराष्ट्रीय योग शिक्षक आनंद सावंत यांनी मार्गदर्शन केले. यावेळी संस्थेचे अध्यक्ष राकेश केसरकर यांनी गावडेकाकांचे व मान्यवरांचे स्वागत केले. यावेळी संस्थेच्या विश्वस्त सौ. केसर वानीवडेकर, विश्वस्त गौरव गुंज, साई पेडणेकर, गिरीधर गावडे, देवीदास रेडकर, योग शिक्षक दिलीप सुतार उपस्थित होते. आनंद सावंत यांनी आभार मानले.