जोशी हायस्कूलमध्ये जनजागृती कार्यक्रम

जोशी हायस्कूलमध्ये
जनजागृती कार्यक्रम
गावतळे ः दापोली तालुक्यातील करजगाव येथील व्ही. के. जोशी हायस्कूल येथे अमली पदार्थाविरोधात होणाऱ्या दुष्परिणामांवर मार्गदर्शन कार्यक्रम झाला तसेच एक पेड माँ के नाम आणि हरित महाराष्ट्र उपक्रमांतर्गत वृक्ष लागवड व संगोपन अशा जनजागृतीपर विविध कार्यक्रमांचे आयोजन करण्यात आले. शाळेचे मुख्याध्यापक सुनील जोशी यांनी अमली पदार्थविरोधी मार्गदर्शन करताना अमली पदार्थांचे दुष्परिणाम विषद केले. ए. एस. कोळेकर यांनी चित्रफीत तयार करून सर्व विद्यार्थी व पालकांना दाखवली. कोकणे यांनी झाडे लावा, झाडे जगवा आणि त्यांचे संगोपन करा, असा संदेश देऊन मानवी जीवनात वृक्ष लागवडीचे महत्त्व पटवून दिले. शाळेच्या परिसरात चिंच, आवळा, पेरू, कोकम अशा रोपांची लागवड करण्यात आली.

दापोली तालुका भाजप
सरचिटणीसपदी केळकर
गावतळे ः भाजपच्या दापोली तालुका सरचिटणीसपदी संदीप केळकर यांची नियुक्ती करण्यात आली आहे. दापोली शहरातील पेन्शनर्स असोसिएशनच्या सभागृहात झालेल्या कार्यक्रमात उत्तर रत्नागिरी भाजपचे जिल्हाध्यक्ष सतीश मोरे यांनी केळकर यांची दापोली तालुका भाजप सरचिटणीसपदी नियुक्ती झाल्याचे पत्र केळकर यांना प्रदान केले. या वेळी माजी आमदार सूर्यकांत दळवी, माजी आमदार डॉ. विनय नातू, केदार साठे, तालुकाध्यक्ष सचिन होडबे, तालुकाध्यक्ष जया साळवी, श्रीराम इदाते आदी उपस्थित होते.