पूर्णगड शाखेला आदर्श पुरस्कार

-rat२३p२३.jpg-
२५N७९४२४
रत्नागिरी ः उत्कृष्ट कामगिरीबद्दल पूर्णगड शाखेला मिळालेला पुरस्कार स्वीकारताना पदाधिकारी.
----
खारवी समाज पतसंस्थेच्या
पूर्णगड शाखेला पुरस्कार
पावस, ता. २३ ः खारवी समाज विकास नागरी सहकारी पतसंस्थेच्या पूर्णगड शाखेला आदर्श शाखा पुरस्कार म्हणून सन्मानित करण्यात आले. शंभर टक्के वसुली केल्यामुळे हा सन्मान करण्यात आला आहे.
सहकार क्षेत्रातील दीपस्तंभ पुरस्कारप्राप्त खारवी समाज विकास नागरी सहकारी पतसंस्थेच्या वार्षिक सभेत हा गौरव करण्यात आला. पतसंस्थेचे अध्यक्ष संतोष पावरी, उपाध्यक्ष सुधीर वासावे आणि सर्व संचालक यांच्या उपस्थितीत झालेल्या सभेमध्ये जिल्ह्यातील विविध शाखांना पुरस्कार देण्यात आले. संस्थास्थापनेपासून गेल्या दीड वर्षात पूर्णगड शाखेने १ कोटी ५९ लाख ७० हजार ६६५ रुपयांच्या ठेवी जमा केल्या असून, कर्जवाटप १ कोटी ३८ लाख १६ हजार ३३६ रुपये इतके केले आहे. शाखास्थापनेपासून आजपर्यंत १०० टक्के वसुली केल्यामुळे यावर्षी संस्थेने पूर्णगड शाखेला आदर्श शाखा पुरस्कार देऊन सन्मानित केले. यासाठी शाखापालक वासुदेव वाघे, संचालक मदन डोर्लेकर, दिनेश डोर्लेकर, समन्वय समिती पदाधिकारी लक्ष्मण सारंग, अविनाश वरवटकर, विवेक खडपे, रवींद्र डोर्लेकर, रिद्धी आडविरकर, शाखाधिकारी प्रथमा मिरजुळकर, प्रभारी शाखाधिकारी निखिल आंबेरकर, पर्णिका आंबेरकर, सदिच्छा पावसकर यांनी यासाठी मेहनत घेतली.