-चिपळुणात भाजपातर्फे वारकरी बांधव, भगिनींचा सत्कार

-rat२३p१६.jpg-
२५N७९३७८
चिपळूण ः भाजपतर्फे सत्कार करण्यात आलेले वारकरी बांधव आणि भगिनी.
----
भाजपतर्फे वारकऱ्यांचा सत्कार
सकाळ वृत्तसेवा
चिपळूण, ता. २३ ः भारतीय जनता पार्टी चिपळूण शहर मंडलतर्फे वारकरी बांधव व भगिनी यांचा सत्कार करण्यात आला. वारकरी बांधव व भगिनींचा सत्कार ही बाब आम्हाला प्रोत्साहन देणारी आहे. हिंदू धर्माची भगवी पताका टिकवून ठेवण्याचे काम वारकरी संप्रदायांनीच केले आहे; मात्र हा सर्वसमावेशक सत्कार सोहळा नवीन वारकरी बंधू व भगिनींना मार्गदर्शक ठरेल, असे गौरवोद्गार दत्ताराम महाराज आयरे यांनी काढले.
या वेळी पांडुरंग भैरवकर महाराज, जयवंत आदवडे महाराज, मोहन बांद्रे महाराज, किरण वलावटे महाराज, मनोहर शीतप महाराज, संदीप भैरवकर महाराज, ज्ञानेश्वर रामाणे महाराज, दत्ताराम आदवडे महाराज यांचा सत्कार एक टाळी नामस्मरणाची मोहिमेंतर्गत उपरणे, टोपी व धोतर जोडी देऊन करण्यात आला. राधाताई लाड सभागृहात मुख्यमंत्री देवेंद्र फडणवीस यांच्या वाढदिवसानिमित्त चिपळूण शहर मंडलतर्फे एक टाळी नामस्मरणाची या मोहिमेंतर्गत चिपळुणातील ७८ वारकरी बंधू-भगिनींनी व ६ नर्मदा परिक्रमा पूर्ण करणारे भक्त यांचा टोपी व उपरण, महिलांना साडी, उपरण देऊन सत्कार करण्यात आला.
---