-मंडणगड भाजपाची ६० पदाधिकाऱ्यांची कार्यकारिणी जाहीर

-rat२३p९.jpg-
२५N७९३५९
मंडणगड : भाजप तालुका उपाध्यक्षपदी निवड झालेले राजेश नगरकर यांना निवडीचे पत्र देताना जिल्हाध्यक्ष सतीश मोरे.
-----
मंडणगड भाजपची कार्यकारिणी जाहीर
सकाळ वृत्तसेवा
मंडणगड, ता. २३ ः मंडणगड तालुक्याची साठ पदाधिकाऱ्यांची भाजपची कार्यकारिणी धुत्रोली येथील शिवस्मारक भवन सभागृहात आयोजित मेळाव्यात जाहीर करण्यात आली.
या वेळी माजी अध्यक्ष केदार साठे, जिल्हा सरचिटणीस विश्वदास लोखंडे आदी उपस्थित होते. माजी आमदार विनय नातू, माजी आमदार सूर्यकांत दळवी यांनी कार्यकर्त्यांना पक्षवाढ व कार्यकर्त्यांची सार्वजनिक जीवनातील भूमिका याबाबत मार्गदर्शन केले. जिल्हाध्यक्ष सतीश मोरे यांनी जुन्या-नव्या कार्यकर्त्यांचा संगम साधत विकासात्मक व संघटनात्मक पातळीवर पार्टीचे काम पुढे न्यायचे असल्याचा सल्ला कार्यकर्त्यांना दिला. यानंतर नवनियुक्त पदाधिकाऱ्यांना नियुक्तिपत्रे देण्यात आली. यात तालुक्याचे उपाध्यक्षपदी राजेश नगरकर, महेश दळवी, दत्ताराम महाडीक, विनोद दळवी, तन्वी महाजन यांची; सरचिटणीसपदी तुषार येरूणकर, यश मेहता; चिटणीसपदी मंगला पवार, एकनाथ चव्हाण, महेश कंचावडे, वैभव नारकर, प्राची कदम, सुषमा घोगरेकर; कोषाध्यक्षपदी राजेश दळवी, महिला मोर्चा तालुकाध्यक्षपदी श्वेता महाडीक, युवामोर्चाचे अध्यक्षपदी मकरंद रेगे, ओबीसी सेलचे अध्यक्षपदी कल्पेश गांधी या प्रमुख सेलसह साठ वेगवेगळ्या आघाड्यांच्या प्रतिनिधींची निवड झाल्याचे घोषित करण्यात आले.
---