आंबवलीत रंगला गुणगौरव सोहळा

-rat२३p११.jpg-
P२५N७९३५७
नालासोपारा : मौजे आंबवली ग्रामविकास मंडळातर्फे आयोजित उपक्रमास उपस्थित ग्रामस्थ, विद्यार्थी.
---
आंबवलीत रंगला गुणगौरव सोहळा
विद्यार्थ्यांचे कौतुक ; शैक्षणिक साहित्य वाटप
सकाळ वृत्तसेवा
मंडणगड, ता. २३ ः तालुक्यातील मौजे आंबवली ग्रामविकास मंडळाचा विद्यार्थी गुणगौरव सोहळा नालासोपारा येथे झाला. आंबवली ग्रामविकास मंडळ, महिला मंडळ मुंबई, अमरशक्ती क्रिकेट संघ व क्रीडा समितीच्या सहकार्याने आयोजित विद्यार्थी गुणगौरव सोहळा उत्साही वातावरणात झाला.
या वेळी मंडळाचे वरिष्ठ सल्लागार दौलत खांबे, गणपत रटाटे, अध्यक्ष रवींद्र रटाटे, माजी शिक्षक जगन्नाथ कोल्हे, हरिभाऊ डंबे
उपस्थित होते. जुन्या आठवणींना उजाळा देत त्यांनी विद्यार्थी आणि पालकांना मार्गदर्शन केले. नर्सरीपासून पदव्युत्तर शिक्षण घेणाऱ्या सर्व स्तरातील विद्यार्थ्यांचा शालोपयोगी साहित्य देऊन सन्मान करण्यात आला. विशेषतः जिल्हा तसेच राज्यपातळीवर क्रीडाक्षेत्रात उल्लेखनीय कामगिरी करणाऱ्या नेत्रा माळी हिला प्रेरणा पुरस्कार प्रदान करण्यात आला. महिला मंडळातील सर्व महिलांना भेटवस्तू (वाण) देऊन पारंपरिक हळदीकुंकू कार्यक्रम साजरा करण्यात आला.