क्राईम

जहाजावरील सर्वेअरचा आकस्मिक मृत्यू
रत्नागिरी, ता. २३ ः तालुक्यातील जयगड येथे एका जहाजावरील साऊथ-गोवा येथील सर्वेअरच्या नाका-तोंडातून रक्त येऊन बेशुद्धावस्थेत पडला. उपचारासाठी त्याला खासगी हॉस्पिटलमध्ये दाखल केले असता तेथील वैद्यकीय अधिकाऱ्यांनी त्यास तपासून मृत घोषित केले. श्रीमंता शरणप्पा हरिजन (वय ४१, रा. मल्लिकार्जुन मंदिराजवळ, मंगोर हिल, वास्को दी गामा (साऊथ-गोवा) असे मृत सर्वेअरचे नाव आहे. ही घटना सोमवारी (ता. २१) रात्री घडली.
पोलिसांकडून मिळालेल्या माहितीनुसार, श्रीमंता हरिजन हे एका जहाजावर असताना त्यांच्या नाका-तोंडातून रक्त येत होते. म्हणून वैद्यकीय मदत पाठवा, असे सहकाऱ्यांनी कळवले त्यानंतर ओएचसी पोर्ट येथून गेलेले वैद्यकीय अधिकारी यांनी सर्वेअर श्रीमंता हरिजन यास तपासले, त्यांना खासगी रुग्णालयात दाखल केले. तेथील वैद्यकीय अधिकाऱ्यांनी त्यास तपासून मृत घोषित केले. जयगड पोलिस ठाण्यात आकस्मिक मृत्यूची नोंद करण्यात आली आहे.