माडखोल येथील ठाकूर यांना तळवणेकरांकडून आर्थिक मदत

swt2419.jpg
79639
माडखोलः नारायण ठाकूर यांना आर्थिक मदत सुपूर्द करताना मंगेश तळवणेकर.

माडखोल येथील ठाकूर यांना
तळवणेकरांकडून आर्थिक मदत
सकाळ वृत्तसेवा
सावंतवाडी, ता. २४ः मुसळधार पावसामुळे घर जमीनदोस्त झालेल्या माडखोल ठाकूरवाडीतील नारायण ठाकूर यांच्यासमोर ऐन पावसाळ्यात निवाऱ्याचा प्रश्न निर्माण झाला आहे. विठ्ठल रखुमाई शेतकरी संघटनेचे अध्यक्ष तथा माजी जिल्हा परिषद सभापती मंगेश तळवणेकर यांनी १० हजार रुपयांची मदत करून त्यांच्या निवाऱ्याचा प्रश्न सोडविण्यासाठी पुढाकार घेतला आहे.
आर्थिक परिस्थिती हलाखीची असलेल्या ठाकूर यांचा निवाऱ्याचा प्रश्न सोडविण्यासाठी समाजातील दात्यांसह स्वयंसेवी संस्थांनी मदत करावी, असे आवाहन केले आहे. मुसळधार पावसात ठाकूर यांचे घर जमीनदोस्त झाले. घराच्या एका बाजूला झोपल्यामुळे ते बचावले. या घटनेत त्यांच्या घराच्या छपरासह वासे, रीप व भिंती जमीनदोस्त झाल्या. या घटनेचा त्यांना धक्का बसला आहे. माडखोल ग्रामस्थांनी त्यांची तात्पुरती निवाऱ्याची सोय केली आहे; मात्र ती कायमस्वरुपी नाही. ठाकूर यांना मदतीसाठी दात्यांसह स्वयंसेवी संस्थांनी मदत करावी, असे आवाहन तळवणेकर यांनी केले आहे.