जिल्हा कॅरम स्पर्धा २ व ३ ऑगस्ट ला रत्नागिरीत

रत्नागिरीत जिल्हा कॅरम स्पर्धा
राधाकृष्ण मंदिर संस्था; २ व ३ ऑगस्टला आयोजन
सकाळ वृत्तसेवा
रत्नागिरी, ता. २४ ः श्री राधाकृष्ण मंदिर वैश्य संस्था आयोजित रत्नागिरी जिल्हा कॅरम असोसिएशनच्या मान्यतेने श्री राधाकृष्ण मंदिर येथे २ व ३ ऑगस्ट या कालावधीत श्री राधाकृष्ण चषक जिल्हा मानांकन कॅरम स्पर्धा आयोजित करण्यात आली आहे. ही स्पर्धा पुरुष एकेरी, पुरुष दुहेरी, महिला एकेरी, कुमार गट, कुमारी गट, किशोर गट व किशोरी गट अशा सात गटात खेळवली जाणार आहे.
राधाकृष्ण नाका येथे होणाऱ्या कॅरम स्पर्धेतील प्रत्येक गटात किमान आठ स्पर्धकांचा समावेश असणे आवश्यक आहे अन्यथा त्या गटातील स्पर्धा रद्द करण्यात येतील, असे आयोजकांनी सांगितले आहे. सर्व स्पर्धकांनी प्रवेशिका ३० जुलैपर्यंत तालुका प्रतिनिधींकडे देणे आवश्यक आहे. स्पर्धेपासून पुरुष दुहेरी गटाचे सामने चार बोर्डाचे तीन सेट अशा पद्धतीनेच खेळवण्यात येणार आहेत. प्रवेशासाठी प्रदीप परचुरे (गुहागर), विनायक जोशी (रत्नागिरी), राहुल भस्मे, मोहन हजारे (देवरूख), प्रकाश कानिटकर, दीपक वाटेकर (चिपळूण), मनमोहन बेंडके (संगमेश्वर), मनोज जाधव (लांजा), योगेश आपटे (खेड), मनोज सप्रे (राजापूर), माधव शेट्ये (दापोली) यांच्याकडे संपर्क साधावयाचा आहे. स्पर्धेत जास्तीत जास्त स्पर्धकांनी भाग घेण्याचे आवाहन श्री राधाकृष्ण मंदिर वैश्य संस्थेचे अध्यक्ष राजन मलुष्टे यांनी केले आहे.