हळवल-शिवडाव रस्ता डागडुजीला अखेर गती

79927

हळवल-शिवडाव रस्ता
डागडुजीला अखेर गती
कणकवली, ता.२५ : तालुक्यातील हळवल - शिवडाव मार्गाची अतिशय दयनीय अवस्था झाली होती. सुमारे १ किलोमीटर अंतराचा रस्ता पूर्णपणे खड्डेमय झाला होता. या रस्त्याची दुरूस्ती कार्यवाही बांधकाम विभागाने सुरू केली आहे.
गेले काही दिवस सतत कोसळणाऱ्या पावसामुळे हळवल-शिवडाव मार्गावरील भाकरवाडी परिसरातील रस्त्याची दूरवस्था झाली होती. मोठमोठे खड्डे पडल्‍याने वाहन चालकांना ये-जा करणे मुश्‍कील झाले होते. यंदाच्या अतिवृष्‍टीमुळे या मार्गावर पाणी येऊन हा मार्गही काही काळ वाहतुकीसाठी बंद झाला होता. या मार्गाची दुरूस्ती न झाल्‍यास हळवलवासीयांनी आंदोलनाचा इशारा दिला होता. त्‍याची दखल घेऊन बांधकाम विभागाने या रस्त्यावरील खड्डे बुजविण्याची कार्यवाही सुरू केली. दोन ते तीन दिवसांत हे खड्डे बुजविण्याचे काम पूर्ण होणार असल्‍याची माहिती बांधकाम विभागाच्या संबंधित अधिकाऱ्यांनी दिली.